Kimpu leh Kimpi – 33
Zan thapai a lawmte tawh a ciakciak uh hangin Kimpu a lungsim ah Nuamno a nuaksak khak pen mang theilo ahih cianga zingciang bangci maiet kik ding cih bekbek ngaihsun kha bel hi ding, a lawm Mutpu in, “Maitai kei si cia?” a cih leh aman zong, “He, hong maisak o” ci kha zawzen. Utlo pipi a lup hun hong tung, ihmu theilo in zingkhua hong vak a, Kimpu zong a SMS khak teng lah kidawnglo, phone sam leh lah kila lo ahih ciang ciin Nuamno te Hostel kong mai ah va zing tun seisai mawk hi… tua leh Nuamno zong sangkah dingin hong paikhia a…
“Nuamno, good morning… Nuamno, sorry maw, tuaci laulau kei ve, hong ngak dih ve, kong hopih nop om, na ngak in…. Nuamno, Nuamno………”
Nitak lam class man khit ciang Nuamno leh a lawmte zong Nuamno Niangtui Nunnuam ah coffee dawn in na ciak ngeingai uh a, Kimpu zong a lawmte tawh va pai uh hi. Ahi zongin Nuamno leh a lawmte in bel Kimpu te lawmta teng mulo kineih in ignore uh hi. Kimpu in a et giaugiau hang, a khatte a mulo kineih, ciamnui, nui ging lala, kuamah dang omlo bang keek in nuamsa uh hi….. tua laitak, pasal khat hong lut in,
“Kimpu, na khua lam pan laikhak”
“Banglak laikhak ahia?”
“Na lawmnu kiang pan ci ve uh aw”
[Nuamno in na za kiau ahih cianga, thei beh ut, dak ngawkngawk ta]
“Lawmnu, banglak lawmnu maw”
“Na sangkhak sunga na lawmnu pen gai, naupai in tua kiang pan hi, ci uh”
“Ka mawk aw… papi kihi mawk ding cihna maw”
A lawm Mutpu leh a dangte in Kimpu ciamnuih ngeingai….
“Kimpu in ta nei ding hita! Kimpu papi hi dekta! Kimpu in zi nei ding hita!!…..”
Tua te a zak sem uh ciang a khat lama om Nuamno te lawmta teng bel om thei nawn mahmahlo uh, a kitheihmawh sawm uh hang zong hithei nawnlo, uili lakah guaktanga tut bangta, thokang laka puansuah bangta…. kiziazia maita uh… a lawmte khat uh hong kiko lualua:
“Bang thu a hia?”hong ci khia bia bua…
“Bangmah hi kei e, Kimpu in khua lam ah lawmngaih neita a….”
Nuamno zong thakhat in a tutna pan ding, Kimpu kiang lam hong zuan phei, Kimpu in na maitai keei, a nuihsan keei hang lawmnu in Kimpu sam pan phuaisuk pah, kai phei, numeite tutna lam ah khai phei….
“Nang lawmnu dang hong neihsan maw? Tua mana zanni zong nong taisan maw? Pal-am kawikawi maw…..”
“Hilo, hilo, hiloooooooooooooo……. hong khah… plizzzzzz ”
“Hong khah kei buang ning, nong gen sitset mateng….”
(zop lai ding)
Hau Za Cin
Phuitong Liim
Comment piaknop aomleh...