Computer zangin, na mit dawmin

Computer zat theihloh/siam loh pen tuhun IT hun ah hong piang nawn lo a, Ulian, Naupang-te dong na leng in nisim in hong zang ta a hih man in mit tha kiam sak hi, Tua ahih man in Game kimawlte ahi zong in Computer tawh nasem te ahi zong in Mit tawh kisai kidawp huai thu pawlkhat anuai ah hong at ing.

Mundik pan
Na Computer, Keyboard leh Mouse te amun diktak ah na koih ding kisam hi. Computer Screen pen namit tawh pi thum (3 ft) kiim bang ki lam na sak kul a, mit pan Degree 20 bang aniam kul ding hi.

A vaak-na (Light)
Na Computer room sungah khuavak ngahkim sak in, Tua hileh Computer Monitor pan hong pai khuavak(Light) te hongkiam saktuam ding hi, Monitor a vaak amial te zong a kituak in naki batsak kulding hi.

Liimlang (Glass)
Anti-reflective lenses aki thuah liimlang te bulh le hang avak hong dau/neem sak tuam hi, Computer na tam zat lam Doctor ten hong theibang hi leh, Anti-reflective lenses aki thuah liimlang te mah bulh dingin hong gen ding hi.

Minute 20, Pi 20(20Ft), 20 vei
Computer tawh nasem te’n Minute 20 sung a sawt tak teh, Pi 20(20Ft) a lam na munte en zel in, Hih in mit kham luatna damsak tuam hi, Tuakhit teh 20 vei bang mit khup zel hong zel(Mit si zel, hak kik zel) in, tua in pen mit hong kawt sak ding hi. Tua zawh teh si ataai theih den nadingin tut mun pan tawmvei ding a, kal 20 kiim lam pai in.

Mitsuuk in
Mikhat in Minute khat sung in 12 vei bang mit kisuuk hi. Ahih hang in Computer tawh na nasep teh 5 vei khawng bek mit na suuk lam na kithei kha hia? Hi dan pen mit hong keusak ahih teh mit suuk zel huai/hoih hi.

Khut peek
Tutphah tung tangtut in la, nakhut peek-te nih alum dong tat in, nakhut honglum teh Minute khat sung na mit tuam in, Tua nakhut pan hongpai a lum na in na Mit khamnate hong nuam tuamsak ding hi.

Maiphiat
Na man hun teh mitsi in Tuivot tawh maiphiat in, hong teisak tuam mah mah hi.

Nek leh dawn
Vitamin A, C, E aki hel nek theih te tam nek in, Tanpha za (Lime) tui, singgah & singteh, mehthuk(Tomato), Aktui (Egg) leh Bawngnawi tawh kibawl nek theih te ne zel in.

Hi danteng zui lee cin mit ading hong phatuam mah mah ding hi, A tawntung in na Mit in siangtak a na muhnop teng hong mu tawntung ta hen.
APT