Zomi Idol leh akhiatna ~ Sia Do Khup
“……….ahih hangin Topa in a lungsim en hi,” a ci hi.” 1 SAMUEL MASA 16:7 TDB Pau khat peuhpeuh amal awsuah a kibat hangin a zang minamte zui-in a khiatna kibang lo hi.
1. Teizangpau a “thu” cihna leh Korea pau a “20” cihna pen numeite zahmawh lam cihna hipah lo a, Kalapau a ek cih pen dailenbuk lam genna hipah lo hi.
2. Lai Siangtho sunga idol kigente pen a min bek hiloin a milim a omin bia uh ahih manin Pasian heh ahizaw tam ci ing.
3. Kawlpau a Phaza pen Buddhist ta dingin Gawdama(Gotama) hi a, Christian ta dingin Jehova Pasian hi. A kammal kibang hi.
Mipil pau namtampi a theite adingin Idol pen khiatna tampi om kha ding a, ko laisiamlote adingin “Zomi Idol” cih khiatna pen “Zomi lasiam kidemna” ahih manin lungsim a en Pasian in hong mawksak lo dingin ka um hi. (Kei mimal ngaihsutna hi ei lawmte, ngaihsut dan a kibat kei leh ong telsiam vou maw.) Sia Do Khup
“Idol” cih kammal ~ Thein Khai
‘Idol’ cih kammal zatna hang in Pasian mindai na leh Pasian tawh kigamlat zawkna tu ciang ciang kei mimal in munai het lo hi ing. Pasian i upna a kilatkhiatna pen a gah tawh ki en hi i cih mah bang in tuciangciang hih i ZOMI IDOL hang in mi te pukna le siatna piang lozaw bek tham loh in i minam sung ah kilapsang na lianpi hong hizaw tham hi.
A beisa hunciang ciang ‘Idol ‘ hong ngah i u i nau te zong a mau hih theih tantan in Pasian minphatna tawh Pasian na hong sem khia uh a , mite’ etteh taak mahmah a hihna uh a nuntakna uh tawh hong lak khia zaw lai uh hi.
I minmai ah Min le puam khatpeuh zatna hang in Pasian in hongpiak ding thupha hong khaktan giapgiap hileh mihing te i ngah ding thupha omlo phial ding hi. Pawlkhat bang ‘Idol’kammal zatna pen in upna peng(liberal) in ngaihsun liang uh a, tua bang lah hisam lo hi.I upna pi ciang kibang het lo hi. Pasian muhna thupi zaw ding hi cih kei mimal muhna hi.
Tua ahihman in hong tung ding hun le ni te ah GZI (Global Zomi Idol) le a munmun ah Zomi Idol hong kibawl ciang in dawimangpa (Satan) nasep bang in ngaihsun kha het lo in hunbeisa a i minam sung ah i ki pahtawisa mah bang in a nungta Pasian minthan nading le i minam sung ah kilapsang na hong khangsemsem zawkna ding in hanciam zaw kan lai ni ci in ki hanthawn nuam hang. Na hoihsep ding cimtak hetlo in sem ni! Thein Khai
Comment piaknop aomleh...