Kimpu leh Kimpi – 32
Bus stop pan Kimpu leh Nuamno zong Kimpi phawk man nawnlo liangin kikhutlet, kikai, kikawi in a van teng uh saihka tungah guang in a omna Hostel lam vuah pai phei uh a, Kimpi ahih leh a lawmte hong tun ding ngak in Bus stop ah a khawllai hi.
“U Kimpu, inn lam a nuam hia?”
“Nang omlo in koi mah nuam taktak kei veh aw”
“Na takpi maw?”
“Ka takpi hi”
“Kiss khat ngahpah ciai…. ****SSSS”
“Eh, Kimpi hong zuilo maw? Ei lawmta, bangci i lawmnu taisan zawzen maw?”
“Phamawh kei u Kimpu, amah a lawmpa te in na dawn lel ding hilo maw”
“Hilo, aman lawmpa neilo hiveh aw, khualam ah kigen leh kiminsia kik ding hiveh aw”
“Na khual daidai leh va en kik lecin aive….”
“I nih in va en kik ni….”
“Kei, utlo, nang bek in va en inla, kei na ciahsuak ning….. bye.. u Kimpu”
“Nuamno, tua bang pahpah ding hikei veh aw…. na lubuk tawh….”
Nuamno nuak ciah a, Kimpu Kimpi omna lam manawh in a tai kik hi….. Bus stop a tun ciang lah Kimpi na om nawnlo, a cihna ding theilo in a khuadakdak leh a gal ah Kimpi te pai a mu a, a awt hang lah a lawmte in a za kei uh hi…… Kimpu zong lungsim ka neunau in khuazin zuul in a Hostel a tung thei ngawngaw hi.
Nuamno hopih ding maw hopih lo ding, a handphone tawh SMS khak zaw ding maw, khaklo ding, cihte a lungngaingai hi. Kimpi khualna in kikkik lo hi leh tu nitak khawng Hostel gei ah niangtui sai minthang Nuamno Niangtui Nunnuam khawngah ah kituah in niangtui sa hit hit khawng, Coffee namtui veuveu khawng dawnkhawm, nuihsiam lel khawm kha mahding hiven…. leitung a kipei hong suak kha mawk hi…..
SMS: “Sorry Nuamno, how are you… pliz forgive me today”
Wait, wait, wait, but there is no reply from Nuamno that evening…. so lonely….
(zop lai ding)
Hau Za Cin
Phuitong Liim
Comment piaknop aomleh...