Kibang napi kilamdang ~ Dong Mung

Kibang napi kilamdang ~ Dong Mung

Mi khempeuh in ni khat in nai 24 i ngah kibang napi in i zat dan kilamdang hi. Manpha taka a zang theite khangto in lawhcinna le gualzawhna ngah lawh uh a, a zangkhial khate lawhsapna le guallelhna a ngah ban vuah siatna sungah puk cip uh hi.

Mi khempeuh in gilvah nading an kine tek napi in i phattuampih dan kilamdang hi. Pawlkhatte adingin thadimna thakhauhna le thahatna suaka, pawlkhatte adingin thau semsemna, natna kibehlapna le sih theihna gu nangawn suak thei hi.

Mi khempeuh in amau khawmciat sum lut nei tek napi in a khantoh pih dan kilamdang hi. Pawlkhatte’n khantoh pih in Pasian gam ading, mizawng daipam tualniamte huhna ding, hauhna le neihsa kibehlap nadingin zang uh a, pawlkhatte in siat lawh in a nuntakna bei lawh uh hi.

Mi khempeuh in lai kisim ciat napi in pawlkhatteh pilna kibehlapna, theihna kibehlapna in zang uh a, pawlkhatte in mi thanemna, mi gensiatna dingin zang uh hi.

Mi khempeuh in lai kigelh tek napi in i tupna kilamdang hi. Pawlkhatte in mi kona, mi gensiatna gelh uh a, pawlkhatte in mite phattuam nading thu hoih, la hoih le thuthak gelh uh hi.

Mi khempeuh in Facebook zang tek napi in i khantohpih dan kilamdang hi. Pawlkhatte in theihna kibehlapna, pilna khanna in zang uh a, pawlkhatte in mi zuakna peuh in zang hi.

Kibang napi hangin kilamdang hi.

Tulaitak i nungta teka den ciang i si ding hi. Mi si vive hiding hanga kibang lel hi hihang! Ahi zong i kilamdan’na hong om dinga i dam sunga i sepna, i gamtatna tawh kizui in i tangthu kisutsut ding hi. A sia lama kisut khate ki sikha gen dinga, a hoih lama kisut khate etteh tak kici ding hi. Nang ele bang lam a gen ut zaw?

Mi khempeuh i sih khit ciangin i tawntung mun ding kizuan tek ding hi a, kovang tek hi. Ahi zongin tawntung nopsa gam Pasian anglum / vantung a tung om in, kahna le hagawina tawh kidim Hell khuk sung a tung i om ding hi. Nang ele koiteng tung nuam? Nopsakna tawh kidim mun na ut leh tumahmah jn Zeisu Gumpa le Topa in na sana ama deihna banga na gamtat, na nuntak ding ahi hi. Kibang napi kilamdang ahi aw lawm!!! Dong Mung