Kum 25 sung a kikhakcip Myanmar gam sumzonna Obama in hong honsakkik ta

Kum 25 sung a kikhakcip Myanmar gam sumzonna Obama in hong honsakkik ta

September 14/2016: USA te’n Myanmar gam gawtna tawh kum 25 val a khakcipsa-uh sumzonna pen kong honsakkik tading uhhi ci’n US President Obama in Suh Kyi tawh a kimuhkhopna uhpan na pulakkhia hi.

Suu Kyi pen tuni-in Obama tawh na kimu uh a,sumzonna khakcipna(Economic Sanctions) khempeuh Suh Kyi in honsakkik dingin ngetna nanei hi.

USA te’n Myanmar gamsung sumzonna a khakcipsak na-uh pen Obama thu bektawh honkikziautheih hilo a, Congress(Hlutdaw)te thukimna kisamphot ahi hi.

Tuni in Suh Kyi in sumzonna khakcipsa khempeuh honsakkik dingin Congress-te lakah zongh ngetna na neikhinta hi.

Ka gammi-uh ki thutuahna ka ngahtheih nadingun hauhna zongh kisam…..Hamsatna hongpia ahi,sumzonna khapcipsa pen nong honsakuh hunta hi ci’n thumna vanei hi.

Human Rights Watch te leuleu inlah Myanmar tung a,a kikoih sumzonna khapcip khempeuh honkhit sakding hi naikei nacilai uhhi.

Obama in honkiksakding acihteng lakah bangteng kihelding cih kician lian nailo hi.

USA gamsungah Myanmar Company van hong lutpih uhteh Tax/ Tariffs (Siah) a piakuh tawmsak/khiam deuhding cihpen Obama in Congress-te lai a khakna ah na kihalsak hi.

USA te’n Kawl galkap tawh kizopna anei Company 100 valpen “Black-list” ah na ciaptehlai uh a,galkap tawh kizopna anei mi tampi takzongh “Black-list” ah na ciaptehlai phot uhhi. BBC/Zomi Post