USA, New York ah Myanmar gammi numeikhat akhut akhe ki hencip in asisa in kimu

USA, New York ah Myanmar gammi numeikhat akhut akhe ki hencip in asisa in kimu

USA, New York, Brooklyn khuasung aom numeikhat ii aluanghawm pen puanza tawh kituncip in lupnasung aom Closet sungah akiselcip kimu cih New York Times pan kiza hi. Tua numeinu pen Myanmar gammi khat hi a, aminpen Kyimar Thein kici hi.

Kyimar Thein pen kum 58 aphakhin khat hi a, US gamsung ah Nurse asemkhat ahihi. Amahpen East Flatbush Apartment Building sungah aom hi a, amancipzawh ni 3 asawtkhit, Saturday zingsanglam 7am hunpawl in aluanghawm aki mukhia ahihi.

Kyimar Thein pen Brooklyn City sung aom SUNY Downstate Medical Center ah Registered Nurse khat hi a, Wednesday nitaklam in nasem akuanding himahleh nasep pelhhi. Nasep kuanlo, ki thuzakna aom theihloh ciangin alunghimawh alawmte khatin Saturday zingsanglam in Kyimar Thein ii aomna Apartment ah azongding, akanding in vapai hi.

Tuaciangin Kyimar Thein pen alupnasung Closet sungah aki tuamcipsa, asisa in mukhia a, tuaciangin Police te kiangah Report bawlpah hi. Police te’n innsungah asi numeinu lobuang kuamahdang omlo ci uhhi. Tuaban ah Kyimar Thein pen damiah akitaih ahidiam cihzong akician in kitheilo hi. Ahi zongin akam ah puansia ki hencip in akhut akhe zong ki hencipsa in aki mukhia ahihi.

Kyimar Thein in tapa khatzong nei kici a, atapa zong anu mahbangin Medical Field lamsang azuikhat hi a, atapa pen Doctor suakkhinta kici hi.

More: Sang Lian Cung in Malaysia ah damaih taih ahih manin thong kum 3 kiading

Kyimar Thein ii naseppih te genkhiatna ah abeisa kha 2 hunlaipawl in kum 23 aphakhin a naseppih khattawh tua innsung ah omkhawm uh cihi. Tua numeinu pen mivom te kici a, Kyimar Thein aki thahlupma in tua numeinu tawh ki kamtam in buaina piangngei kici hi. Tulaitak tua mivom numeinu zong mangcip in, aomna kitheilo cihi.

Kyimar Thein sihna thutawh kisai in kuamah akiman omnailo a, Police te’n aluanghawm Postmortem bawlsak in, athu hoihtak kancianding uh cih kiza hi. Sawltak #zomidaily