Africa, Congo gamsung aom zatolum cina mi 12 tak migilo te’n temtawh dawtliam

Africa, Congo gamsung aom zatolum cina mi 12 tak migilo te’n temtawh dawtliam

Central Africa, Congo gamsung aom zato khatah damlo in zato alum cina te temta tawh kidawt liamgawp cih AFP pan kiza hi. Congo (Democratic Republic of the Congo), Goma City sung aom Hospital khatah thupiang hi a, zatolum cina te lakah mi 12 pen ki dawtliam cihi.

Tuabang in cina zatolum te adawtliam pen “Ugandan Islamist rebels” kici singnuaimi migilo te gamtatna hidingin ki ummawh hi ci’n Offcial te’n Tuesday ni in genkhia uhhi.

Zato sungah damlo in akikem uh himahleh Sunday leh Monday zankim kikal in temtawi migilo pawlkhat in cina te nadawt liamgawp uhhi ci’n Provincial Health Minister Martial Kambumbu inzong genkhia hi.

Aliam te lakah mi 3 pen huaisia phadiak in gimmahmah uh cisawnsawn hi.

North Kivu Province sung aom Civil Society Rapporteur khat ahi Etienne Kambale in agenna ah Goma gamsung ah hibangin cina zatolum te akidawtliam pen akhatveina hi, abeisa in hihbang gamtatna omngei nailo hi ci’n genkhia hi.

Abeisa nungkhasung in kumpi galkap “Congo Government Forces” te’n Beni sungah “Islamist Allied Democratic Forces (ADF)” kici migilo thautawi kipawlna te limkap simpian uhhi. Hih thautawi migilo kipawlna tepen Congo gamsung aom leisung sumpiang atamna “Rich mineral resources” kuamtengpen a ukcipsawm uh ahihi.

Tua ADF kici Allied Democratic Forces thautawi kipawlna te mizat pawlkhat in zato ah cina te temtawh adawtliamgawp hiding in ki ummawh cihi.

Beni Region sungah abeisa 2014 kum akipan hih ADF kici thautawi migilo kipawlna te’n khuasungmi akigawm in 700 valbang thatlumkhin uhhi ci’n UN Mission leh Congolese Authorities te’n genkhia uhhi.

More: EU gamte’n Africa leh Middle East panin Refugee mi 50,000 laksawm

Abeisa nungkhasung inzong UN Peacekeeper mi 14 tak ki thatlum a, tua athatlum tezong hih ADF kici Islamist Allied Democratic Forces temah hiding in aki ummawh ahihi. Abeisa kum 25 sungah hihbangin thakhatthu in UN nasem te aki thahlupna omngei nailo a, thakhatthu in UN Peacekeeper mi 14 tak aki thahluppen kiheh mahmah hi. Sawltak #zomidaily