Mandalay – Myitkyina meileng lampi tungah Bomb nihvei puakkham

Mandalay – Myitkyina meileng lampi tungah Bomb nihvei puakkham

Myanmar gamsung kikawmna meileng lampi tungah Bomb nihvei puakkham cih Myanmar Times pan kiza hi. Mandalay – Myitkyina Railroad meileng lampi tungah Landmine kici Bomb te munnih ah apuakkham ahihi.

Hih meileng lampi tungah Landmine apuakkkhapna hangin Kachin State sungah Myanma Railways alutding nawngkaisak in, mipi te leh vanpuakna meileng tezong nawngkaisak hi ci’n Railway Official te’n genkhia uhhi.

Thupiangzia pen Myitkyina Railway Station panin apaikhia “Mine-clearance Train” kici Bomb siansuahna in akizang meilengkhat in Tuesday zankim madeuh in Landmine nawkkha in apuakkham in nawkkha hi. Tuamunpen Mayan leh Namti Station kikal hi a, Milepost 695/24 geinai ahihi.

Anihna apuakkham pen ahihleh Moe Kaung leh Htou Pu Station kikal aom 10-foot-bridge kici lei tungah apuakkham ahihi. Amasa apuakkham pentawh sawtvei kihallo in, apuakkham hi ci’n Myitkyina Railway Station Master U Khin in genkhia hi.

Ama genkhiatna ah amasa leh anihna Bomb apuakkham tepen Minute 5 khawngbek kihalding hi. Moe Kaung leh Htou Pu Station meileng lampi tungah apuakkhampen meileng hongtungma in apuakkham ahihi ci’n genkhia hi.

Tua amasa apuakkham Mine-clearnace Train tungah Myanma Railways, Myanmar Police Force, Tatmadaw (military) panin Officers honkhat atuang uh hi a, ahi zongin aliam kuamah omlo bilbel uhhi. Myanma Railways panin nasemte’n tua meileng lampi apuahkhapna munah abawlphading in Crane tawh kimanpah uhhi ci’n U Khin Thaw in genkhia hi.

Bomb puakkhapna hangin Myitkyina panin apaikhiading Mail Train, Express Train te banah Myitsone – Mandala Express Train te ahunlap in paikhiathei nawnlo in ziaikaitek uhhi.

Meileng lampi kisia ahih manin Mandalay panin Myitkyina azuanding meileng 3 zong ki khawlkik sa a, tuatepen Mohnyin Railway Station leh Hopin Railway Station azuanding te ahihi. Passenger pawlkhatte pen Myitkyina zuanin Bus tawh ki paisakding hi ci’n U Myo Win (general manager of Myanma Railways for upper Myanmar) in genkhia hi.

More: Kachin, Myitkyina aom Kanbawza Bank ah damiah lut, thein 920 puakhia

Hih akisia meileng lampi tungah nisim in meileng 4 vei aki taisak hi a, Passenger akigawm in mi 1200 panin 1500 kikal atuangden ahihi. Tua Passenger te tungpanin nikhat sumlut K4 Million (US$2946) panin K4.5 Million bang nisim in alutheizel ahihi. Tu’n lampi kisia ahih manin, banghun ah meileng angei bangin ki taisakkik theiding cihpen kigencianthei nailo hi ci’n U Khin Thaw in genkhia hi.

Myanmar gamsung aom meileng tepen luilua mahmahta ahih manin, Japan International Cooperation Agency (JICA) te’n puahphat nadingin apahpih mahmah laitak ahihi. Sawltak #zomidaily