Canada, Toronto khuapi sungah thau kikapna piang, mi 2 si in 13 liam

Canada, Toronto khuapi sungah thau kikapna piang, mi 2 si in 13 liam

Canada, Toronto City sungah Sunday nitaklam in pasal khatin thautawh mi phialkapgawp cih Reuters pan kiza hi. Tuabang thautawh mi akapgawp pen akigawm in mi 14 hi a, akapkhak te lakah mi 1 si in, thautawipa zong anunung ah amahleh amah kikap in si hi.

Tuabangin thautawh kapgawp athuak aliam lakah numeino naupang khatzong kihelkha in, nakliam mahmah ahih manin Critical Condition tawh kikem hi ci’n Toronto Police Chief Mark Saunders in genkhia hi.

Hih thau kikapna munpen Toronto City ii nisuahna lamsang hi a, aminthang Popular Restaurants, Cafes leh Shops tuamtuam aomna mun kici hi.

Police te genkhiatna ah thautawipa ii athauzat pen Handgun namte ci uhhi. CityNews te genkhiatna ah thaukap pen nitaklam 10pm in Greektown vengsung panin akipan hi ci’n genkhia uhhi.

Ageinai ah amukha, aomkha Witness te genkhiatna ah thaukilawn bekbekpen akigawm in 25 veibang Gunshot aging kiza cihi.

Video: A gunman opened fire in central Toronto on Sunday night (July 22), killing a young woman and injuring 13 other people including a child, before turning the gun on himself, police said. Global News quoted a Toronto police source as saying the suspect is believed to have opened fire at police before killing himself. Earlier reports said nine people had been shot.

Toronto Sun te pulakna ah thaukikap cih buaina akizak ciangin aphual ah Ambulance honkhat in delhpah a, Police, Firefighter te leh khuasung mipi te’n aliamte akisam bangin huhin panpih ngeingai uh cihi.

Canada pen avenggam akizompihlian ahi United States tawh tehkakna in thautawh ngongtatna “Gun violence” atawmzaw in akiciamteh ahihi. Ahi zongin Canada gamsung aom Toronto khuasung ah tukumsung thautawh buaina thuthang pen hongtam semsem hi. Nungkum tawh tehkakna in Toronto khuasung ah thautawh kikapna hangin asipen tammahmah a, 53% bang tamzaw hi.

July 20 ni akipan Toronto khuapi sungah Security asemding in Police Officer 200 bang kikoih a, migilo Gang Violence te abengkhiading in akikoih cihi.

More: Canada ansai ah numei khatin ektha in a ektawh nasemkhat deng

Toronto Mayor John Tory in Reporter te tungah agenkhiatna ah Toronto City sungah thautawh buaina “Gun Problem” pen tammahmah hi, thaupen deihbangin ki ngahziauziauthei ahih manin buaina tampi piangsak hi ci’n genkhia hi.