Kham leh savunsit tawh akibawl dailenbuk khat US Dollar $100,000 tawh kizuak

Kham leh savunsit tawh akibawl dailenbuk khat US Dollar $100,000 tawh kizuak

Louis Vuitton (Louis Vuitton Malletier) pen Fashion Brand minthang mahmahkhat hi a, avan bawlkhiatte uhzong Luxury Retail vive ahih manin, tammansak mahmah uhhi. Hih atamman mahmah Louis Vuitton Brand leh kham “Gold” tawh akigawm in dailenbuk “Toilet” khat kibawlkhia in, US Dollar $100,000 tawh kizuak cih Social Media tuamtuam in thulamdang in pulakkhia ngeingai uhhi.

Tua akibawlkhia dailenbuk pen “Golden Toilet” kici a, Louis Vuitton Brand te ii bawlkhiat savun asit mahmah thungip Bags 24 tak atnen in akibawl ahihi.

Tua Golden Toilet pen abeisa Wednesday (November 07) ni in USA, Los Angeles khuapi aom Showroom khatah $100,000 tawh kizuak cihi.

Tuabang in US Dollar $100,000 tak amanliang dailenbuk abawlkhia pen Illma Gore kici LA-based Artist minthang mahmahkhat ahihi. Abeisa 2016 kum inzong President Candidate laitak ahi Donald Trump ii aguaktanglim khat suai ngei hi. Tua Donald Trump ii aguaktanglim asuaihpen “Make America Great Again” cih minvawh in, tuahang inzong Illma Gore pen kitheihlawh mahmah hi. (Atung a Donald Trump photo penzong hih abawlkhia Artist Illma Gore ii asuaih ahihi)

Video: Golden toilet covered in Louis Vuitton monogram bags on sale for US$100,000

Tutung Artist minthang Illma Gore ii hong bawlkhiat leuleu alamdangpi khat ahi Golden Toilet pen adang Toilet tutna te mahbangin hoihtak in kizangthei “fully functional” cihi.

Los Angeles City sung aom Tradesy kici Online Retailer khat panin $100,000 tawh kizuak takpi ahih manin lamdang kisa mahmah hi.

Hih aki zuakkhiatna Tradesy kici pen Online Fashion Marketplace khat hi a, Luxury Handbags, Clothes, Accessories tuamtuamte kileithei, ki zuakkikthei hi.

More: Leitungbup Ekbuk Kipawlna “World Toilet Organization”

Zogam ah tamkuamteng kuampi khatkhat dailenbuk in ihzat ziauziau hangin, leitung gamkhangto te’n dailenbuk pen thupisak takpi uh a, “World Toilet Organization” cih kipawlna zong omtakpi hi. World Toilet Organization pen 2001 kum in Singapore gamah ana kiphut hi a, aki phuhcil in Member 15 bektawh Singapore ah aki phuankhia ahih hangin tu’n leitungbup gam 53 ah kizel dikdek bekthamlo, Organizations Member zong 151 phatota hi. Na theihbeh nopleh atung a Link sungpan in avekin nasim inmaw. Sawltak #zomidaily