Tulaai Leitung Thuthang tuamtuam te Updates (Nov 13)
Iran gam zinliing
Iran leh Iraq gamgi ah 7.3 Magnitude haat in November 12,2017 in zinliing a Iran gampan mi 336 si in 3,950 liam uha, Iraq gam ah mi 7 si in 300 liam hi ci in Iran State Media te in November 13,2017 ni in taangkokhia uhhi.CNN
US, Japan leh South Korea te Tuipi tung kimawl
US President Donald Trump Asia gam sung azin laaitak November 11,2017 nipan kipan US,Japan leh South Korea ten Pacific Tuipi tung ah thaulotkhopna pawipi bawl uhhi. Alamdang diak in apiangngeinai lo ahi US Gaalvanleeng pua Tembawpi-3 leh Gaaldo tembaw neuneu te tonkhawmsak hialhialsa in gaaldo kisin uha,Japan gamlam aneh ciang Japan Gaal Tembaw ten nadawntuah in South Korea lam anehciang Korea Gaal Tembawpi te in nadawntuah lianlian in thaulawn khawm kawm Tuipi tungpan Vanlaai ah Muvanlaai bang leengto zeel in kimawl ziahziah uhhi.
Hih US Tembawpi te khat in atawmpeen Gaal Vanleeng 100 ta bang pua ci hi. Hih kimawlna peen November 14,2017 niciang hialbawl ding uhhi.Hibang Unau gamthum ten Tuipi tungleh vanlaai kiimvial ziahziah in aomciang South Korea tawh gamgi a om North Korea gaalkaap khat banh laulua in South Korea gamlam ah gamgi kantan in November 13 ni ataisimsawm leh alawmten nakaap in liam ahihman zato kipuak hi.BBC
Kawl Phunzi khat kiman
2016 Kum Yangon US Palaaizum ten alaaihawm nakhat vuah Rohinya cih ahelman in US Embassy mai ah Mipi kaaikhawm in thuneite phalna ngahlopi lungphona alak Siadaw U Pamauhkhah peen thunei ten November 12,2017 ni in tawmvei ongzuipak in ci in samkhia uha Bahan Kawlphunzi pipa mai ah apuantualpi suahsak in Ensein Hotel ah tawlngasak uhhi. VOA
Bill Gate in Khuapi thak lamding
US leh Leitung ah mihau mahmah a minthang Bill Gate in Arizona State Phoenix khuapi pan tai-50 na om Tonopah acihna ah $80 million man Leitang leikhinta a “Amart City” ci in akhangto anopci mahmah Khuapi thakkhat lamding ci in Bill Gates Firm ten November 12,2017 ni in taangkokhia uhhi. Hih Khuapi ah Mipi teentheihna khawk 80,000 lamding,Acre 470 ah Sang inn lamding, Acre 3,800 ah Zum leh vanzuakna tuamtuam te lamding ci uhhi.FOX NEWS
More: Tedim – Kawlpi kikal Accident, Tuisau khuami 1 si & Zogam News
ASEAN Khawmpi
Philippine gam a kibawl ASEAN khawmpi ah US President Pu Do Nang leh Pi Suut Cing te zong November 13,2017 ni in vakah uha, Rakhaing gam buaina zong kikum uhhi. Pi in muutzo gawp hinteh maitaina tawh maan kizaihkhawm ngeeingaai uhhi. Malaysia Prime Minister Najib bang agampan tapkual han a a mawk otlala bangkei Pi Suut Cing tawh akimuhteh amuklingsapsap man kizaihciangbang akiang ut sese laai. VOA Thang KhawmPau
Comment piaknop aomleh...