ZOMI North Cup Vai thu tuamtuam zaksakna innteek lampan

It ZOMI

Hong tungding August 30 & 31 2014 ZOMI North Cup hongnai mahmah ta ahih man in thu tuamtuam hongzasak nuam ungh

Zingmang Pi ding le Hongkihel thei ding lengla zahtaak pawl khat

ZIUSA makai te vaihawm siamna tawh Pu Gin Kam Lian te Nu Pa zinmangpi dingin hong kihel thei dinguh a zintun nitaak Zinmuak pawi ah thu genna limci hongnei dinguh hi

Rev Dr Tung Za Pau te Nu Pa zongh Columbus pan Zosuan te kipumkhatzia hong ending le tuailai te thapia dingin hong kihel ding cih thu hoih kiza hi

Rev Pau Khan Khai ZOSIAM Pu te innkuan zongh pawi ah vang hongpia ding le tha hongpia dingin hong pai dinguh cih thu namtui zongh kiza hi

Zintun vai Zin pen innteek ah kol tak in hong kitungsaknuam ahih man in pawi hongsimding khempeuh in no state pan mi bangzah hongpha ding cih August 22 Friday anunungh pen in hongtheisak un

An le Tui vai Zintun ni pen Saturday tawh kituak lel ahih man in agamla Tulsa & Nashville te hong ding baih un kim le paam ate navek un nitaak lam nai 4 hong lap sawm un zintun ni Zinmang Pi te Nu Pa inn teek CZI inn ankuang umpih ding a zin le innteek khempeuh nai 5 pan nai 7 kikal an nek hun hiding hi Pawi ni pen kimawl natual ah sun an hong kipia ding hi Mipi vekpi in zangh khawm ding hi Zing an Breakfast pen CZI le na zintun nate un hongvaak khawm dinguh hi

Zinmuak Concert vai Tuni ciangh State dang pan la hongpia pen Indiana Polis pan Lia Sanboih le Tg Pianpu Michigan pan Tg Tun Mang te bek ki ngah pan hi lanasak nop uh le late le na min uh August kha 22 Friday ni ma in hongpia un tua ni khit kisang zo nawnlo ding hi State 1 pan la dawng 3 hi Sianu Esther Cingsan zoingh hong kihel tehi ding cih thu kiza hi

Tukpeng vai pen North Cup kipawlna panmun bul lamten ahunzui in hong zasak dinguh hi

Tukpeng kimawl lo a pawi hongsiim nuam te zongh hong zasak un zin hong do ding hi ungh Zintunna anuanm thei ding kimawlna tual ahoih pen ding le Anlim theithei kongpiak zawh nadingun thu ka nget laitak uh hi

Zin tun nading mun le vai dang tuamtuam te maikal sungin ahunlap in hongzasak kik nungh

Topa thupha ZOMI

CZI tabu pawl aitaangin

Thomas Thang Than Tuang