Mobile Phone tawh akizom Bilngaihna thuahsa in a ihmu khat sisuak

Mobile Phone tawh akizom Bilngaihna thuahsa in a ihmu khat sisuak

Naupang pasalno “Teenage Boy” khat abil sungah bilngaihna “Earphones” thuahsa in a ihmu pen sisuak cih NST pan kiza hi. Tua Earphones pen Mobile Phone tawh akizom hi a, tua Mobile Phone zong Battery Charging akizomsa cisawnsawn hi.

Malaysia, Melaka, Bukit Baru, taman Merbok ah nung Friday ni in thupiang hi a, anu in zingsang atapa lupna inndei “Bedroom” ah apai ciangin atapa pen tangnawnlo in, asisa in aom mukhia hi.

State Criminal Investigation Department chief Kamaluddin Kassim ii genkhiatna ah anu pen kum 48 aphakhin khat hi a, zato Nurse khat cihi. Zingsang 7am hunin atapa aphongding in apai ciangin asisa in mukhia cihi.

Alupna inndei pen asunglam panin ki kalhkhum a, atapa asapsap hangin dawnglo ahih manin, tawhtang “Spare Key” akeptawh kongkhak hongin a etciang in atapa pen asisa in aom mukhia hi.

Atapa pen abil alangnih in Earphones thuahsa in om ci a, Earphones pen Mobile Phone tawh kizom in, tua Mobile Phone zong Powerbank tawh Battery akizomsa in kimu hi.

Anu inzong Bukit Baru police station ah zasak a, Police te genkhiatna ah atapa in Powerbank adelhphahna aveilam aliang ah meikatna “burn marks” om ci uhhi.

More: Mobile Phone limzatluat naupangno te paukhia hak

Powerbank pen puakkham ahidiam cihpen ki theicianlo hi. Atapa aluanghawm pen Melaka Hospital ah kipuak a, Postmortem kibawlding cih kiza hi. ZD Sawltak #zomidaily