KFC Japan te’n “Finger Condom” bawl

KFC Japan te’n “Finger Condom” bawl

KFC Japan te’n “Finger Condom” bawlkhia uh cihi. Condom cihciang in na ngaihsutkhat aom khapah hiam? Tuate hilo hi 🙂 Hih Condom pen anuailam ah zatdingte hilo a, atunglam khutmedawn ah thuahding tebek hizaw hi. Leitung koikoi ah KFC akinek ciangin khutmekawk leh khutpi tawh kitep in kinetekzaw hi. Zatnop kisapentek hikhading hi.

Tuabang in ihnek ciangin ihkhutme te sathau nel in, ihnekkhit ihsawpkhit nangawn in KFC agimnam vengpaklothei hi. Tuaban ah KFC sai khempeuh ah khutsilna kicing zihziah khollothei, ihnekma khutme tawh ihkhoihma khut kisawp tangtang manlothei hi.

Ahi zongin hihbang in nawngkaina aomnawnloh nadingin Japan KFC te’n khutmekawk leh khutpi tuamtheih nading in khuttuam “Finger Condom” bawlkhia citciat uhhi. Hihpen khutsawp kullo, Hygiene tawhzong kituak mahmah bilbel hi.

Tua Finger Condom akici tepen Fingernaps ahih keileh Finger Napkins zong kici hi. Pawlkhat te’n Chicken-finger Gloves zong ci uhhi. Adeihna avekin akibang cihding hi a, atamzaw in “Finger Condom” cihtawh lawhnop kisazaw leh kilawm hi.

Japan Kanto leh Kansai Regions sung aom KFC sai te ah tukha December akipan hih Finger Condom te zat kipanta a, KFC sai 222 Store ah kizangkhinta cihi. Mundang gamtuamtuam ahzong damdam in hongkizel toto khading hi.

More: Japan gampan kibawl nektheih Muji leh Natto Brand te kidop huai

KFC sai ah hih Finger Condom te hongkikoih ciangin ki suantak ngaihsutke’n. Thuahpahlel inla, zangpahlel in. Cidamna Hygiene tawh kituak in, sawpsiang kullo hi 🙂 ZD Sawltak #zomidaily