Hlutdaw thuthang: MP Pu Gin Kam Lian thusunna

Hlutdaw thuthang: MP Pu Gin Kam Lian thusunna

September 10, 2019 ni Amyotha Hlutdaw ah MP Pu Gin Kam Lian in “2014-Census lai-in Chin state sung ah Taiyinta nam (53) om hi ci ciaptehna vai” a thusunna leh Union Minister Pu Thein Swe in a dawnkikna te tomlakna hi. (Kawllai pan Zolai aa ki letkhia hi-in, khialna/ kisapna om kha ding hi.)

MP Pu GinKamLian’ thusunna:

1) Chin state ah minam tuazahzah ki om lo cih a phual aa teng mipi in a ki thei tel mahmah thu hi.

2) A kantel pawlkhat te in minam 6/7 khawng bek om ding hi ci hi.

3) Nam (53) om in code-401 pan code-453 ciang gualpiak suk ziau pen khial hi.

Gentehna…

• code-402 a Meitei te leh code-431 a Naga cihte pen Chin state sung ah om lo uh hi
• code-413 a Guite pen behmin hi
• code-417 a Saizang leh code-424 a Tedim cihte pen khuamin hi zaw hi

4) Chin state a mi omzah ii 1/4 bang a pha ding Zomi te leuleu ciang minammin (53) ah ki hello mawk hi.

5) Tua hi-in minam (53) ci a 2014-Census a ciahtehna pen etkik kuul ding hi.

Union Minister Pu TheihSwe’ dawnkikna:

1) 1931 kum, Mikangte ong uk lai a ki la Census aa kipan, a kumkum a beisa Census te bulphuh in a ki la toto, a nunung pen 1983 kum a, minam (135) pha cih pen mah a ki bulphuh a 2014-Census a ki la a hi hi.

2) 1983-Census a minam (135) te pen code numbat ki pia masa in, tua lak a ki hel lo minam te pen code-914 ah ki-at sak hi.

3) 2014-Census pen ki cing lo, huam kim lo, maan kim lo leh a kikhial tampi om cih genkikna on mah hi.

4) Taiyintar phazah et kikna, puahphatna leh Taiyintar min te laihna, behlapna cih nasep te pen tangzai, haksa leh a hun kibat kul ding ong suak in, Tu ta dih in ki hih zo nai lo ding hi. Photo credit: Amyotha Hluttaw facebook page