Turkey gamah vanlengkhat Runway pan pialkhia in, tuipisung tusukdek
Turkey gamsung aom Trabzon Airport ah vanlengkhat ataina lampi panin pialkhiakha in, Black Sea tuipi sungah lutsukdek cih Turkish Media te’n genkhia uhhi.
Tua vanleng pen Pegasus Airlines hi a, Trabzon Airport pen “Turkish Coastral Airport” ci’nzong akithei khat ahihi. Vanlengtual ataina Runway panin apialkhia hi a, Black Sea sungah alutsukdek ahihi.
Hih tuahsiatna pen Trabzon Airport ah Saturday zanlam in thupiang hi a, vanleng ii amailam amuktawh tuipi ki sukhadekphial cihi.
Video: Plane skids off Turkish runway on Black Sea coast, passengers unhurt
Pegasus Airlines te genkhiatna ah hih Boeing 737-800 Aircraft pen Ankara City panin Trabzon City zuanin aleng hi a, asungah Passenger mi 162, vanlenghawl Pilot mi 2 leh nasem Cabin Crew mi 4 atuangkhawm uh cihi.
Trabzon Airport ah akumsuk khitciangin Runway panin apialkhiakha hi a, kamphatna tawh hih tuahsiatna hangin asi aliam kuamah omlo cihi.
More: Malaysia ah vanleng asetsia ahih manin, Emergency in awmtalsa in kumsuk
Trabzon’s Governor asem laitak ahi Yücel Yavuz inzong agenkhiatna ah hih Pegasus Airlines vanleng sungah atuang Passenger khempeuh leh nasem khempeuh kuamah asi aliam omlo in suaktathei uhhi. Ahi zongin hih tuahsiatna pen bangci bangin koicipian cihpen ki theician nailo a, Airport zong 8am local time (5am GMT) dong ki khakcip hi ci’n genkhia hi. Sawltak #zomidaily
Comment piaknop aomleh...