Malaysia, Kepong vengsung ah damiah mi 4 te’n mineihsa asuhsak laitak Video ki khahkhia
Malaysia, Kepong vengsung aom Apartment khatah Security asempa damiah mi 4 te’n aneihsa teng asuhsak laitak Video Clip ki khahkhia hi. Hih thupiang pen Saturday ni in Jalan Kepong Baru lamzikpidung aom Kepong Baru Secondary School geinai aom Apartment khatah thupiang kici hi.
CCTV panin damiah 4 te ii gamtatna pen Video Record kibawlkha ahih manin, tua Video te Social Media ah kikhahkhia in, ki thehzakpah zihziah hi.
Tua Video pen Facebook tungah kikhahkhia masa in, tuatungtawn in ki Share sawn kawikawi hi. Video sungah damiah mi 4 te’n Security Guard asem pasalkhat aneihsa teng suhsak in, adeihteng alaksak laitak uh kimuthei hi.
Hihvai tawh kisai in Sentul district police chief ACP R. Munusamy in agenkhiatna ah damiah mi 4 tepen Motorcycle 3 tawh tua Security Post ah zingsanglam 3:25am hunpawl in damiah taihdingin alut uh cihi.
Security Guard papen Gate kongkhak encik in aomlaitak damiah te Motorycle tawh tungphei uh a, tua damiah te lakah mi 2 in temta tawi uhhi. Tua temta tawh Security Guard pa lauthawngsak in ngimbawlzel uhhi.
Video: hih link panin ki entheiding hi: LINK >>>
Tuaciangin Security Guard inzong acihnading theilo in, ama nuntakna patau ahih manin, aneihsa khempeuh adeihbang alakding in piakkhiatloh phamawhta hi. Tua kawmkal ah damiah te’n Security Guard nasempa simmawh, zawhthawhbawl in sawntuk dekdek uhhi.
Bombi ipsung nangawn avekin sawksak, tuaban ah khedap Boot nangawn suahkhiasak in vanmanpha aneihkhempeuh laksak uhhi. Damiah khatpa inzong Security Post buksung panin adeihteng laksak a, tuakhit ciangin damiah 4 te motorcycle tawh taikhia uhhi.
More: Malaysia, Johor aom suangmanpha zuakna ah damiah lutin, RM130,000 manneiding puakhia
Security Guard pa’nzong damiah atuahkhit phein Police Report bawlpah hi. Police te’nzong “Ops Cantas” minvawh in Operasi bawlpah uh a, damaih te lakah kum 32 aphakhin pasalkhat tuni in mankhia theipah uhhi. Adang damiah tezong amatkhiattheih nadingin Police te’n azonkawikawi laitak cih kiza hi. Sawltak #zomidaily
Comment piaknop aomleh...