Tedim lungphona khua 38 pha

Tedim lungphona khua 38 pha

Tuni (December 1, 2019) Tedim khuapi ah Meitei Thautawite Deihlohna lungphona ah Tamu, Kawlpi, Tedim, Tonzang gamte pan in lungphona ah akihel khua 38 pha hi.

Tedim khuasung kihel lo khuadang pan in lungphoding a pai min sazian pia mi 600 val hi. Tedim khuasung tawh kigawm leh mi 1000 val hi.

Hih lungphona ah Zomite ki lunglut mahmah ahih lam aphual a lungphote ban ah online a view phazah en leng kilangh mahmah hi.

Maban tampi omlai ahih man in kithu tuak tak in ih kalsuan khop toh diamdiam kul lai ding hi.

Tha leh ngal, neh leh lam, sum leh pai, lungsim pumpi tawh hong kihel khempeuh tungah ih lungdam mahmah hi. Lungdam, Mung Laan Thang (Tonzang, Zogam)

Lungphona Ding Phalna Hong Kipia Ta

December 1, 2019 ni sun nai 1:00 a kipan Tedim khuapi ah ih sanggamnu Dim Lun Mang hong thahsak meitei thautawite deihlohna lungphona neih theihna ding in thunei te’n tuzing nai 9:44 in phalna hong piata uh hi. Mipite lungnuam tak in ong kihel ciat ta un.

Theih ding:

– Zopuan silh hamtang ding. Sangnaupang te’n Sang uniform silh ding.

– Khuadang pan a pai peuhmah in Lawibual lamka a Pu Cia Pau’ inn a om SACC zum ah thu zasak hamtang ding

– Sun 12:00 a kipat khiatna mun ding ahi Lamzang lamka tungkim ding

– Sun 12:30 a otzia ding kisin ta ding

– Nai 1:00 pm in Lamzang lamka pan dingkhia ding. Nai taupi dong lamsiau phei ding. Nai taupi ah thugenna om ding in nitak nai 3:00 a vaiteng mansiang ding

– Khual pan a paite SACC zum pan in annek theihna ticket kipia ding hi. (Annek theih hun pen zingsang nai 9:00 – 12:00 kikal aih kei leh nitak nai 3:00 – 5:00 kikal khat zawzaw hiding hi. – Khat vei bek kine thei ding hi)

– Annek nading mun pen NUP party zum ah Nu Huai Man Ansai le Lamzang Lamka ah Marryland Ansai te bek hiding hi.

– Saikel tawh khual pan a hong kuante sathau abeizah lian kithun sak ding hi. Takkheh Zomi !!!! Mung Laan Thang (Tonzang, Zogam)