Tedim ah guta laang mahmah & thuthang tuamtuam

Tedim ah guta laang mahmah & thuthang tuamtuam

June 12, 2018 (Tue) zan in cycle (3) mang hi. Lawibual Tedim lampi gei-ah (2) mang hi. Leilum vengah zong tuani zanmah in cycle (1) mang hi.

Tuani zanmah in Tedim-Rih lampi tung aa Maan Store namgitui zuakna ki buluh cih lailai mawk hi. June 16,2018 zan Tedim -Rih lampi aa “Taung Za Lat” Ansai zong ki buluh lailai hi.

Zomi te’n i khuapi hi ci’n i ki pakpih mahmah Dimtui Vangkhua zong gutabuluh te leh khamtheih guihtheih zangte ngabang lenna hong suak ai ve maw.

Hi bang gamtatna-ah a tualbial bial te’n nikhat ni ciang a thuak ding uh gimna lian mahmah kha ding hi.Namdangte zak ding in zong zumhuai mahmah hi.

Lungzuan Huai Dimtui Vangkhua

Ningzu aisa ne in lawm leh gual tawh gualnuam in ih om lai peh a pha dawm mahmah hun hi. Tu in Tedim khang thak tampi takte in ningzu aisa tawh lungkim zo nawnlo uh aa khamtheih guihtheih zatang/zatui leh No.4 dong a zang/suai tampi om hi ci’n ki gen ziahziah hi.

Khamtheih guihtheih a tuamtuam a bei siang nading in Nu leh Pa a hi zong a kuamapeuh in vaipuak lianpi nei hi hang.

Et Lawm “Zolengthe Naipitau”

Zolengthe Naipitau pen Sipin ten vaipuakla in zun cihtak hong zun uh aa tu in et lawm mahmah hi. Zan ciang a tan silsial nading in electronic tawh kisai mei tuamtuam te tawh ki zem (decoration) ki bawl hi.

Sun ciang Zolengthe ciampeello hong khuang ngeungeu aa zanciang se-al bang in tang dimdiam hi.

June 15,2018 (Fri) Zolengthe Naipitau huang sung teng siansuahna ki nei in pak zong ki suan beh hi. Naipitau huang sungah i pai/khawl ciang ngaihsutna picing tak tawh i ninte mawk paih kei ni. A kiu munkhat-ah nin paihtheih nading nindum khat ki bawl hi. Tua lai ah hong na paih sak tangtang un.

Naipitau huang sung siangtho leh a sung aa tawlnga/ kimawlte a ding lungsim siangtho in omdan nuam pah ding hi. Thumanna bek zong ih gam leh minam a ding nasep kipatna ahi hi.

More: Japan, Hokkaido ah khuasung Bus te ahawl omlo in zatsawmta

Tuhunlaitak Tedim Zogam ah meh minthang vangvang pen aalu leh ankam ahi hi. Aalu pen Sezang,Suangpi,Dimpi, Dimlo lam panTedim khuapi ah hong zuak ziahziah uh hi. Ankam pen tuuk ankam hi aa innkim phial in kicing hi.

Ih Zogam leitang pan aa piang aalu mah limzaw in tha zong omzaw hi.Ci zong ngosak in aw zong hoih sak cilai uh hi. A zuakte bang ingen le uh siam zawlai uh hi.Gualkhadi zong hong ompianta a hihman in Zogam ah mehkicing leh ol zawdeuh hi. Tedim Municipal