USA Kentucky pan Siapi Hau Siam (Zampi khua, Gualnam beh) in hongnusia
Dahpihna Lai Siapi Hau Siam (CONDOLENCE LETTER) Mangpha Siapi Hau Siam, Gualnam Beh, Kum 71
Zampi Khuami Bowling Green, KY USA ateng Siapi Hau Siam in zanni November 21,2018 in Khuaksunglam dam lohna tawh atenna inn pan Pakiang hong zuatsan cihthu izaakmanin ZIUSA kipawlna mintawh nakpitakin kidahpih mahmah hi.
Siapi Hau Siam peen kawlgam ah (Township Education Officer) Retired ta zong ahihi. Tukum 2018 in Pasian lamhonsakna tawh USA ongtung ahihi.Siapipa peen Bowling Green khuapi bulphuh Zomite kipawlkhopna Zomi Innkuan Kentucky ah active member kician khat leh USA gamsung Zomite sihna vaiah luang kiphamzawh nading a akivaihawm ZIUSA Genvai ah 10/31/2018 (GV04552) akipan tunidong active member khat ahih manin thukhun zuiin (25%) Death Benefit $3000 kipiakhia dinga paakkual $150 man khattawh zong mangpha khakna kinei ding hi.
Siapi Hau Siam luanghawm peen ongtung ding Saturday November 24,2018, 12:00pm to 3:00pm hun-in JC Kirby & Son Funeral Chapel, 820 Lovers Ln, Bowling Green,KY 42103 ah Zomi Agape Church makaihna tawh hehnep hunbawlkhopna kinei dinga Rev.Gin Sawm Thang in Pasian kammal tawh hanthotna leh hehnep na ongneih khitciangin hanmualah vuina kineidinghi.
Siapi Hau Siam ong nusiatna hanga adahakap sangam tanau meltheih khuapih tuipih beh leh phung akuamakhempeuh I biak Pasian in a makiangpana ongpai khasiangtho in ong hehnem tek henla aluang khituite ong nulsakin lungnop tawldamna ong guat kimciat nading ZIUSA kipawlna in thu kingetpih hi.
Dahpihna Lianpitawh, ZIUSA Genvai Tanupi Contact
Pu Mun Mang
1706 8th Ave, Apt.304, Oakland CA 94606.
Comment piaknop aomleh...