Singapore mawtaw tungah adiangtopa thusitna kineita

Singapore mawtaw tungah adiangtopa thusitna kineita

Singapore gamsung St James Power Station apualam ah Saturday zingsanglam in pasalkhat mawtaw tungah diangto in, ahai gamtatna hangin kiman hi. Tuapa minpen Chee Chu Siong kici a, kum 26 aphakhin khat ahihi.

Chee Chu Siong pen tuni Monday ni in thukhenzum “Court” ah thusitna kinei a, ahai gamtatna “rash act” tawh thu kibawl cih Straits Times pan kiza hi.

Court Documents tungtawn in hihpa in midangte ii Personal Safety sukha, lauhuaisak ahih manin thu akibawl cihi. Chee Chu Siong pen $5000 bail kipiasak in, May 24 ni ciangin thukhenzum Court ah thusitna kineikik leuleuding cihi.

Hihpa pen mawhmah hi ci’n Rash Act tawh thu akibawlleh kha 6 sungbang thong kiatheiding a, liausum zong $2500 bang liaukha theiding cih kiza hi. Hai gamtatna zong kimet hetlo hi. Gamdang ah utbangbang in ki haigamtat theilo cih phawk huai hi. Sawltak #zomidaily

Singapore ah mawtaw amaipan diangto in akantan, ahaigamtat khat kiman

Singapore gamsung ah papi puteek khatin mawtaw ahawl laitak amai panin khangnokhat diangto in, mawtaw amai Bonnet leh Windshield siksakto, atungzang tawnsuak in kansan sese hi. Tuabangin akhel gamtatna hangin tuapa pen “Rash Act” tawh kiman cih CNA pan kiza hi.

Hih thupiang pen Saturday zingsanglam in Sentosa Gateway, St. James Power Station (ENVY Dance Club) geinai ah thupiang ahihi.

Singapore Police te genkhiatna ah hih buaina pen Sentosa Gateway ah Saturday zingsanglam 3am hunpawl in thupiang ci uhhi. Tua ahai gamtatpa pen kum 26 aphakhin khat hi a, agamtatna hangin kiman khinta hi.

Tuapa ii agamtatna pen mawtaw sungah akithuah Dashcam panin Video Record kibawlkha a, Facebook ah ki khahkhia hi.

Facebook User Belleiansa Xu in akhahkhiat pen tuciangciang 431,397 Views bang phakhinta a, Social Media tungah kithehzak hi.

Video: A 26-year-old man was arrested on Sunday (May 6) after jumping on top of a car near ENVY dance club at Sentosa Gateway in the early hours of Saturday morning.

Tua Facebook tungah akhahkhia penin agenna ah mawtaw ahawlpen apa cihi. Apa pen kum 72 aphakhin khat hi a, sum thalawhna in Grab Driver asem cihi.

Apa pen akum atamkhittawh tua khangno tetawh kitot kinialding utlo ahih manin, taisanziau hi. Ahi zongin hih Dashcam panin akizaih Video Clip aki khahkhiat ciangin amukha peuhmah in haigamtat ci’n kopah ziahziah uhhi.

Tuapa pen tuni Sunday ni in Singapore Police te’n mankhiapah uh a, zingciang Monday ni in thukhenzum ah thu kibawlding cih kiza hi.

More: Tedim, Kam Hau Hall ah Concert kibawl laitak meiset ki suksiatsak

Tedim ah Pasian phatna lasakpawi “The Cornerstone Live Show” aki bawlsan laitak in, meiset ki suksiatsak cihi. Tuabangin meiset asuksiatsak sese tezong kumpi thunei te’n….. Sawltak #zomidaily