Indonesia ah aphu lakna in khuasung mipi te’n awle 300 dektak thatlum

Indonesia ah aphu lakna in khuasung mipi te’n awle 300 dektak thatlum

Indonesia gamsung ah awle khatin mikhat apehlup khitciangin khuasung mipi te hehthei mahmah uh a, adang awle bekbek 300 phialbang thatlum zihziah cih AFP pan kiza hi. Hih thupiang pen nung Saturday ni in Indonesia, Papua Province sungah thupiang ahihi.

Athu akizakna ah pasalkhat akhawisa ganhing “Livestock” te apiakding gan an zongdingin innpan apaikhia ahihi. tuapa pen awle akikhawina “Crocodile Farm” khatah nawkkha in, tuaciangin awle te’n tuapa pen na petlum hi.

Tuapa pen amin Sugito kici a, kum 48 aphakhin khat ahihi. Awle in akhe pehsak masa in, tuakhit ciangin amei tawh apumpi zepgawp kici hi.

Hihvai hangin asipa Sugito ii meltheih tanau te leh khuasung mipi te hehmahmah uh a, khuasung mipi teenna Residential Area geinai ah hihbangin awle akikhawi pen diklo hi ci’n ki hansuah ngeingai uhhi.

Local Conservation Agency panin makaipi ahi Bassar Manulang in agenna ah Sugito ii sihna hangin aluang manding liausum “Compensation” kipiading ci’n aki thukimsa ahihi ci’n genkhia hi. Sugito ii innkuanpih tetawh thukimna kibawlkhin in, danpihna zong ki pulakkhin cihi.

Ahi zongin Sugito akivuini ciangin khuasung mipite hehsemsem uh a, ki kaikhawm ngeingai uhhi. Tuaciangin temta, namsau leh kawbia cihte tawisa in khuasung mipi honpikhat awle akikhawina Crocodile Farm ah paikhawm ngeingai uhhi.

Video: According to CNN, nearly 300 crocodiles were slaughtered in revenge killings by a mob in Indonesia over the weekend. The incident happened shortly after the funeral of a man in his 40s who himself was killed by a crocodile in the Indonesian state of West Papua. The man was on a crocodile farm, probably looking for grass to feed his livestock, when he was attacked by one of the animals Friday. After he was buried Saturday, villagers stormed the farm and killed all the crocodiles there, Manullang said. Images from the scene showed crowds surrounding piles of bloodied crocodiles.

Aphual atun uhciangin awle akikhawi te amuhbangbang uh satlumgawp uh a, akigawm in awle bekbek 292 takin sihlawh cihi. Tua aki thatlum awle te lakah awle aneucik te akipan meter 2 bang asaukhinsa awle golpipi tezong kihel hi ci’n kumpi thunei te’n genkhia uhhi.

Hih hiamtawi khuasung mipi tepen Police te leh Conservation Agency Officials te sanginzong tamzawmawk uh ahih manin, Police te’nzong khaamcip theilo uhhi. Ahi zongin hihbangin awle tampitak aki thahlupna hangin hihpen thulianpi “Criminal Charges” tawh akihelteng thu kibawltheiding cih kiza hi.

Papua’s Sorong District sungah Police Chief asem ahi Dewa Made Sidan Sutrahna in agenkhiatna ah hih ngongtatna sungah akihel te leh amukha te aki kansan laitak hi ci’n genkhia hi.

More: Malaysia pan UK gamsungah akipuak awle (Crocodile) 50 kiman

Indonesia Archipelago pen gamsung gamsa namtuamtuam Wildlife atam mahmahna gamkhat hi a, awle zong namtampi kimuthei in, tua awle te hanginzong mihing tampi in ki sihlawh khinhi. Sawltak #zomidaily