Brazil gamsung naupang asuakcil khat lampai kisin sawmpah ahih manin Nurse te’n lamdang samahmah uh cih Yahoo News pan kiza hi. Tua naupang suakcil pen numeino hi a, nausuak siama Midwife khat in akhutsung ah aletpen lampaiding in kithawipah cimawk hi.
Nausuahna ah aom Nurse te’nzong hih naungek suakcil khat lampaiding aki thawisawmpah pen lamdangsa in, Nurse khatin “Oh my gosh, the girl is walking” ci’n genkhia hi.
Lampaithei taktakding bangdan in akhe amailam ah kalsuan in mainawtding in kithawipah mawk hi.
Midwife atawipen in agenkhiatna ah hih naupang suakcil pen asuahkhit ciangin asilding in akithawi hi a, tualaitak in naupang pen dingto in lampaiding in kithawisawm cihi.
Tuaciang in Midwife nu’n anuai ah koihsukkik himahleh dingtoding in kithawikik a, lampaiding in kipankikzel hi.
Hihbang in naupang asuakcil khat lampaiding in kithawi cihpen midangkhat genleng amittawh amuhloh buangin um hetloding cihi. Ahi zongin hihpen Video kizaihkha citciat ahih manin, uploh theihlohmawk hi.
Video etnopleh: Amazing New Born Baby walks after birth | Worlds Strongest Newborn
https://www.youtube.com/watch?v=bkqYTJuahMU
Naupang pen ageina hileh kha 8 panin kha 12 bang aphakhit ciangin lampaiding kisinpan, kithawipan uhhi.
Ahi zongin hih naupang pen suakcilphet, kisil sakding in akitawi laitak in lampaiding in akithawipah himawk hi.
Related: Brazil Football Team te tuanna vanleng kia, mi tampi si ~ ZD
Hih naupang pen kuata, banghun in suak cihpen kigenlo hi. Ahi zongin Brazil, Rio Grande do Sul State sung aom Santa Cruz Hospital ah hiding in ki ummawh hi. ZD Sawltak #zomidaily
Comment piaknop aomleh...