Tedim ah mi lamdang khat

Tedim ah mi lamdang khat

Zan ni (May 12) nitak khuamial tung in Tedim, Lawibual veng a Cin Lian Khai Zogamkhaino’ inn ah mel theihloh khat in kunza/kuva lei in akiim apaam ateng phin hi.

Inntekpa Cin Lian Khai in kua na hiam acih leh CNF te hi’ng ci hi. Aden teh suangtum tawh inntekpa den sawm hi. Amai a Siama Cingsan te’ inn a kikhawm te’n nalen uh ahih man in deng thei nawnlo hi.

Asawtlo in Tedim khangno 30 khawng phata uh ahih man un mancip uh a palik len (police station) puak uh hi.

Palik len atun zawh uh nai 1 khit ciang in lenmangpa paipan hi. Lenmangpa’n tua meltheihloh pa Ks 10,000/ pia in ciahsak hi.

Lenmangpa’n Cin Lian Khai’ kiang ah “Hihpa pen nang hong that ding a hong pai hi in na ut bang in bawl in. Aizong kei’ deihna ah bel Kawlpi mawtaw tawh ciahsak lecin ut ing”, acih ban ah, “Nang zong bang sem na hiam cih ong thei mahmah ung. Zomi te’n hahkat un. Kawlgam kilemna ah na kihel zawhna ding uh hanciam un” ci hi.

Alamdang Mahmah

Tua meltheihlopa khangno te’n vuak cihtak in avuak uh hang in na salo hi. Sat gawp tale uh asatna ciang kitan zawsop in nasa tuanlo hi.

Angawng ah civom (tattoo) mal 4 om hi. A ban ah zong seal om hi. Tua ahih man in meitei galkap hi hamtang ding in ki lam en hi.

Cin Lian Khai in “Nang Senam a meitei galkap hi teh” acih leh heh mahmah hi.

Pau namkim thei

Mikang pau, vai pau, meitei pau, kawlpau, khalkha pau, Falam pau, Tedim pau avek in thei mang hi.

Tuni khangnote in avuak khit uh ciang un Gawng khua lam paisak uh hi.

Zomite ih ki ngaihsut mahmah kei leh ong ki nopneh mahmah ta hi.

Zomi akuama peuh in hihpa na muh nana vuah hoihtak na encik un.

Note’ itna sung ah

(Mung Laan Thang)