Trump in President aletding adalnuam khempeuh lawhsam dikdek

Trump in President aletding adalnuam khempeuh lawhsam dikdek

Dec. 20, 2016: US President thak dingin Nov. 8 in J. Donald Trump a kiteelcing hangin amah deih loin White House ah a teen ding deih loin lungphona nasia takin a pian’ banah vote sim thakna nangawn kinei liang hi.

Trump in President a let ding dal theihna dingin amah langpang ten singtum leh suangtum khempeuh khat beek lep loh nei lo uh a, Electoral College vote state 10 kisim kiknate ah lak panin Georgia, Kentucky, Nebraska, Noth Carolina, West Virginia, South Carolina, Mississippi, Texas leh Oklahoma cihte ah Trump in Hillary Japan’ gualzawh bangin zo dipdep ahih manin Hillary gum ten khitui leh naptui a liak ding uh leh a khitui uh a to luan ding a ngak ding uh cih buang a lawhtak uh om lo hi cihna suak hi.

Trump in US Electoral College votes ah Texas electors a ngah pen 270 vote hi a, zan in Trump pen US President a 45na dingin kipulak pha kikkik hi. Trump deih lo pawlte hih thu ah lungkim zo tuan lo uh ahih amah langpang mi 200 kiim in Pennsylvania ah lungphona nei in, “Trump deih lo. KKK deih lo. USA ah fascist deih lo. Gam lehhek (treason) deih lo,” ci-in aw lala uh uh hi.

More: India Imphal sungah mipi buaina piangin mawtaw 22 meikang

Electoral College vote panin Trump pen President dingin cing hi a kicih hangin Republican party sungah khat in Trump sangin midang tungah ka vote ka pia zaw ding hi ci lai hi. January 6 ciangin Congress in Joint Session nei ding a, tua hunah US vice-President Joe Biden in Chairman len ding hi. Hih hunah Electoral College vote result thukimna leh gen khawmna nei ding uh hi. Source: News Agencies and The Hindu/ Thang Khan Lian