Yangon leh Taik Kyi khuasung tengah zinling in mi 24 liam, asi kizalo

Yangon leh Taik Kyi khuasung tengah zinling in mi 24 liam, asi kizalo

Myanmar, Yangon khuasung ah zanni Monday nitaklam in Magnitude 5.1 hatna tawh zinling cih Reuters pan kiza hi. Monday nitaklam 8:50pm hunpawl in zinling hi a, Yangon khuasung Commercial Hub sungteng ah aling kici hi.

Hih zinlinna hangin innsia, losia bangmah ahuaisia luapi Report kiza nailo a, Electric Power zong bangmah nawngkaina, kisiatna omlo cihi. Khuasung lamzikpi te ahzong siatna bangmah kizalo in, khuasung mawtaw Traffic te angei mahbangin taitheilel cihi.

U.S. Geological Survey te genkhiatna ah hih zinling ii Epicenter pen Yangon panin 69 km (43 miles) agamlakna aom Taik Kyi khuagei pan ci a, zinling Depth pen 10km hi ci’n genkhia uhhi.

National League for Democracy (NLD) panin Regional Representative Tin Soe Min ii genna ah inn asiagawp leh misi cihte bangmah zakkhakna omlo, Report zong bangmah omlo cihi.

Ahi zongin Buddhist Monastery khatah dai umna alui pawlkhat akicim omin, inn pawlkhatzong zinling kilokna hangin sawigawp cihi. Ahuaisia gawp Serious Damage bangmah omlo cihi. Hihpen Reuters News te ii pulakdan hi a, a umlo te’n Manglai tawh kisimthei hi.

VOA pan tuzingsang agenkhiatna leuleu ah Kawlgam thunei te’n zinling akhauhna pen Richter Magnitude 5.8 in pulak uh cihi. Tuaban ah zinlinna hangin aliamzong mi 24 bang om ci uhhi. Aliam 24 lakah naupang 2 leh numei 5 kihel cihi.

Aliam tepen ageinai aom zato te ah kipuak cih kiza hi. Taik Kyi khuagei kiim aom Pagoda pawkhatzong kicim in asia pawlkhat om cihi. Taik Kyi khuagei pan akipan zinling pen Yangon khuasungdong lawhphei in, Yangon khuasung Apartment aom te patau in innnuai ah kikumsuk ngeingai cihi. Inn pawlkhatzong asia om ci uhhi. ZD Sawltak #zomidaily