US ah Zomi Kipawlna thak khat piang (Zomi Churches Alliance)
US a om kipawl ding alunggulh Zomi pastor pawlkhat kimu uh a Zomi Churches Alliance USA akici ZCA, USA phuan khia uh hi. Ken bel hoih kasalel hi. Minampi leh Minam lian ih suahnop leh Mission nakpitak in ihsep ding ahi hi. US a Zomi kipawlna te’n Kawlgam leh India ah gammial/mission nasepnate deihtak nong panpih ding uh ki lunggulh mahmah hi.
Athu avuicing in a nuai ah sim theih hi.
Lungdam
Mung Laan Thang
Tawmvei, Magway
A ( 1 ) VEINA ZOMI PAWLPI TUAMTUAM KIMUHKHOPNA
SEPTEMBER 22,2017
FRIDAY 9:00 A.M. C.S.T.
ZOMI CHRISTIAN CHURCH NASHVILLE
Innteek Siapa Rev DalPiang in Lai Siangtho taang Rom 15:5-6 leh Hebru 10:24-25 ong simkhit ciangin Ih biak Pasian tungah hunapna hong nei in 9:50am hunin meeting kipan thei hi.
Meeting hun ong makaih dingin Rev DalPiang, a tamzaw thukimna tawh kiteel hi.
Meeting hun sung khempeuh thu ciaptehna ahong neihsak dingin Rev Paupi, a tamzaw thukimna tawh kiteel hi.
Meeting ahong kah pawlpi tuamtuam pan Sia/Sm te leh Upate in amau muhna leh lunggulhna ciat hong pulaak uh hi.
THUKHENSATTE
USA gam sunga om Zomi pawlpite khut kilenkhawm a, kipawlkhopna neih dingin meeting hong pai khempeuh thukimna khut lapna tawh kikhensat hi.
Kipawlna min dingin hoihsak min tuamtuam pulaakna kinei a, ahong huamkim pen dingin ZOMI CHURCHES ALLIANCE USA, Atom in ZCA USA cih a tamzaw thukimna khut lapna tawh kikipsak hi.
Objective: USA gam sunga om Zomi pawlpite kha thu leh taksa thu ah tha kipia in Pasian’ na sepkhoptheihna ding
Mission Statement:
(1) Lungsim kikhat in Pasian phatkhop theihna ding Rom 15:6
(2) Khut kilenkhawm in Pasian’ na sepkhop theihna ding I Korin 3:9
ZCA USA huam sungah pawlmi khat in sihna atuak aom leh pawlpi ciat ah sum kidonsak in gaalna sum kipia ding hi.
Membership fee: Pawlpi mi 100 nuaisiah te $ 100.00 Pawlpi mi 200 nuaisiah te $200.00 Pawlpi mi 300 nuaisiah te $300.00 Pawlpi mi 400 nuaisiah te $400.00 Pawlpi mi 500 nuaisiah te $500.00 Note: Pawlpi mi 100 ciang $100.00 ta kahtoto ding hi.
Annual fee: Pawlpi mi 50 nuaisiah te $ 250.00 Pawlpi mi 100 nuaisiah te $ 500.00 Pawlpi mi 150 nuaisiah te $ 750.00 Pawlpi mi 200 nuaisiah te $1,000.00 Pawlpi mi 250 nuaisiah te $1,500.00 Pawlpi mi 300 nuaisiah te $2,000.00 Note: Pawlpi mi 50 a khanbeh leh $250.00 ta kahtoto ding hi.
ZCA USA khawmpi kumsim neih den ding hoih kisa a, July kha nipi thumna weekends sung hi ding hi.
Khawmpi bawldan ding EC in ong geel dingin kiap hi.
ZCA USA Executive Committee kivaipuakzia anuai a bang hi ding hi. 1.President 2.Vice President 3.Secretary 4.Assistant Secretary 5.Treasurer 6.Auditor 7.Accountant 8.Youth Director 9.Women Director
Tutung a i teel EC 9 te in mai kum khawmpi ciang dong pansan ong la ding uh hi. EC in ZCA USA bylaws draft ong bawl ding uh a, Board of ZCA USA in kipsakna nei ding hi.
EC dingte sia/sm te sung hi ding a, business meeting in teel ding hi. Board member ding te ( Sia/Sm or makaipi khat ) pawlpi ciat pan mi khat ta hi ding hi.
ZCA USA min tawh kumpi theihpih Registration bawl ding hoih kisa a, EC te ki ap hi.
ZCA USA min tawh bank account hon ding hoih kisa a, EC te ki ap hi.
ZCA USA EC 9 te anuai a bangin Secret ballots tawh kiteel hi.
1.President – Rev Thang Cin Pau 2. Vice President – Rev Khual Deih Lian 3. Secretary – Rev Dal Deih Piang 4. Assistant Secretary – Rev Thang Sawm Lian 5. Treasurer – Rev Dr Nang Khen Khup 6. Auditor – Rev Gin Sawm Thang 7.Accountant – Pr Moses Ngin Alh Thang 8. Youth Director – Rev Lian Za Suum 9. Women Director – Pr Dim Hau Cing
Meeting hun nuamtak zawhna leh Zomi Pawlpite kipawlkhop theihna ahong nei theisak Pasian tungah lungdamkohna leh makai thak apna – meeting kah khempeuh khut kilenkhawm in kikona a kineih khit ciang Pr Pau Sian Lian in a khak bel thungetna ong neihsak in 6:50pm hunin meeting nuamtak kizo hi.
Rev Thang Cin Pau
Recording Secretary
Comment piaknop aomleh...