Thuthak tomkim ~ The Tedim Post (26 Sep)

News In Brief: Thuthak tomkim ~ The Tedim Post (26 Sep)

Myanmar gamah Covid-19 natna hong tunzawh February kha pan August kha kikal North Shan State ah Myanmar Army leh tualsuak minam thautawite kidona hangin mimal 50 val in sih lawh uh hi, ci-in Shan State Gal vai tawh Dongtuak kipawlnaten gen uh hi.

South China Tuipi tung a apiang Nuri huihpi/guahpi huzap in Myanmar gam Mon, Tanintharyi leh Pago Region te ah inn 130 kisia in mi 3 in sihlawh a mi 9000 val bang inn leh lo nusia in kihem uh hi.

Yangon Region Township 45 ah Stay at Home thukhun hangin Myanmar gam a om thukizakna laihawm The Standard Times, 7Day News, Myanmar Times leh The Voice Daily cihte laihawm nasep tawmvei sung khawl bawl phot ding hi, cih thu kiza hi.

Rakhine State ah Myanmar Army leh AA te galkidona khawl bawl nading leh internet line 4G hon sak kik nadingin Madalay Khuapi ah lungphona anei All Burma Federation of Student Unions makai Ko Ba Chit pen thong kha 1 khiat dingin thukhen zumin thupia hi, cih thu kiza hi.

Gam khat peuh tawh thau vui/thau tang suangin kido ding ka sawm kei uh hi, ci-in September 22 ni akibawl UN Khawmpi ah China Kumpi Xi Jinping thugenna video tungtawnin kiza hi. Hih khawmpi ah US Kumpi Donald Trump in Covid-19 natna Leitung bup akizel sak China(sen) gam in vaipuak alak kul ding hi, ci-in gen ci hi.

Lebanon gam, Beirut khuapi pan tai 30 na a om Iran in apanpih Shia Muslim thautawi kipawlna Hezbollah te galvan koihna inn september 22 ni-in puak kham a mi tampi in liamna ngah uh ci hi. A beisa August kha sungin zong Lebanon Khuapi Beirut ah puahkhapna piang a mi 190 in sihlawh khin uh hi.

More: Makai Nehemiah leh Zogam ~ Pau Do Lian

September 24, 2020 ni Leitung bupah Covid-19 natna ngah Tein 300 val(31,993,442), asi Tein 9 val (978,369) leh adam kik Tein 200 val (22,022,226) phata hi. Source : 7day news, DVB News, RFA Burmese. Thukai khawm : Lia Lu Lun, Lia Shang Shang.