Kawlgam Vice President Kikipsak Khinta

Thantlang Khuapiseh mi Henry Van Thio-pen Kawlgam Buppi’ Vice President ding-in kikipsak khinta cihthu Chinland Post (FB) pan-in kiza-hi.

Zomi hong langdo mahmahte khat-in Vice President hongngah-pen ahaza leh athangpaai or alungdam I-hi kei-a, Zomite zaanhal diakmah-a I-ciakciak, I-ki pummuan gawp-tawh thutak-piang hong kilehbulh zeel ahihlam minam buppi-a theihding kisam kasak man-a hong hawmsawn ka-hihi.

Hun manpha tampi laisin nading-in ka-zatzat aziak ka’ lunggulhna-pen Zomi minam sung-ah “bang pilna hawmkhia theiding” cih ngaihsutna leh lametna bekmah-tawh saang aki-kahkah hi-a, sum deihlo, naseem nuamlo, nasep mu zolo kihi saamlo-hi.

Zomite’ dinmun ataangpi concept (thumuhzia/laakzia) naakpi-in niam-a, tawisaang nuam-in bullehbaalnei thu khat-peuh kisuut lehzong pumpan-gawp, ki-ultung sakgawp, pauding paulohding nangawn khuallo-a puak-giapgiap cihte ka’ ngaihsut ciang-in naakpi-in naa kasa-hi.

Lusei te-in “Paihte khua-nung pil” hongcih-mah hidaldal laaiding I-hihiam? Pu Chin ST-in President and/or Vice President asep theihlohna aziak tel mahmah tasaamding I-hih man-in hih hunbii sung-ah minam’ ading-a mapang ding-a panmunla MP neihsunte-in naakpi-a public consultation bawl-a, bangci bang-a kiginkholhna bawlding cih hong phamawh ta-hi.

“Kiginkholhna” hilo, “kipan tading” aci ki-om khading-hi. Kipatding bangmah om naaikei, masuan-zong om naaikei, 2008 Thukhunpi akipuahphat ciang-a DASSK leh Pu Chin ST hong kikop theihding lampi sialkhol-a kiginding bekmah himai dinghi. Sau deudau zeel-ei, no nong’ kuppih nading-uh om nawnkei khaleh ,……

Pu Zokhai