Jesuh ii tumdanna (Jesus the God-Man)

Jesuh ii tumdanna (Jesus the God-Man)

Lai Siangtho sungah the Son of Man a cihteh Jesuh pen mihing ahi Joseph ii tapa ahi hi, a cihnopna hi lo hi. Mihing tapa the Son of Man a cih teh Thumgawm Pasian ahihna a pulaak hi pah a, tua thumgawm Pasian sungah Tapa pen mihing in hong suak hong piang hi cih a gen nuam ahi hi. Pa Pasian (God the Father) ahi a, Kha Siangtho Pasian (God the Holy Spirit) ahi zongin mihing in ong suak ong piang lo hi. The Godhead Pasian’ lutang sung pan Tapa hihna dinmun tawh mihing bangin ong kibawl Pasian ahi (God the Son) pen Jesuh ahih manin tua Jesuh pen theologians te in LST siksan in the God-Man na ci uh hi. Tua pen LST in the Son of Man a cih pen ahi hi. Tu-in Jesuh pen Pasian lah hi-in Mihing lah hi tawntung hi. Pasian pen nidangin mihing ahih ngei loh hun om hi. Ahi zongin Pasian pen Pa Ta Kha hi tawntung hi. Ta cih kammal pen mihing cihna hi pah nai lo hi. Ahi zongin tua Mihing-Pasian pen Ta (God the Son) kongvang bek panin mihing limla in mihing in ong piang (incarnate) ahi hi.

Tua leh minam khempeuh in Jesuh ih kisam hiam?

Mi khem peuh Jesuh kisam. Everybody/ every sinner needs Jesus. Nang le kei zong mihing, Jesuh zong mihing mah hi lel ahih leh, mihing tektek banghang Jesuh kisam sese ih hiam? Why need Jesus? Why not Mahamad? Why not Gautama? Why not Pau Cin Hau? Banghang in gupkhiatna thu pen Muhamad te Gautama te Pau Cin Hau te’ tungtawn hi lo sese-a, Jesuh tungtawn hi sese hiam? cih Christian te’n ih thei hiam? Banghang hiam cih leh amah pen Khrih ahih hang ahi hi. Minam khempeuh in a biakna uh le a ngeina uh ah honpa Tanpa gumpa khat na lamen den uh hi. Jews mite in a lamet uh pen Messiah na ci uh hi. Buddhist te in a lamet uh pen Kawlkam in gen rehang naughsungh a pwint (ေနာက္ ဆုံးအပြင့္) na ci uh hi. Banbang hi leh a deihna pen Messiah kici minam khempeuh in hih leitung nat le sat zawn le ngau, gal le sa panin honpa khat ong pai ding hi ci-in a biakna sung tek vuah upna a nei lo biakna om lo hi. Ahi zongin Christian biakna pen tuate khempeuh banah mawhna thamanh sihna pan tatkhiatna tawh kisai Lungdamna thu a nei biakna hi. Tua pen Jesuh Khrih Pasian’ Tapa ong tatkhiatna thu upna ahi hi. Tua Jesuh ii tumdanna thute ih upna pen Christian kici ahi hi.

Pasian’ Tapa ahih kei leh Pa Ta Kha thum hihna tawh kidim Pasian’ lutang pan Tapa Pasian (God the Son) pen Pasian’ Tapa kici a, tua Pasian’ Tapa (ahkl) Tapa Pasian pen Mihing ong suak hi. Kha mangthang mawhneite honkhia dingin ong pai hi (Luke. 19: 10). Tuucing Pa in a tuute zong hi (Luke 15: 3-7). Sunglutna (incarnation) tawh kisai in, Tapa Pasian (or Pasian’ Tapa) pen mihing in ong suak hi (John 1: 14; Heb. 2: 14). Mary gil sungah a kipai zia pen a lamdang Kha Siangtho’ nasep hi (Luke 1: 35). Jesuh pen a tumdang deuh in nau gil sungah kipai a, ahi zongin suah ngeina bangin suak hi (Luke 2: 7). Tapa Pasian God the Son pen mihing bangin ong pianna ah mihing tektek mah ong suak hi (John 1: 14). Nungta hi, pau hi, ne hi, dawn hi, tawl thei hi, nasa thei lung gim thei hi, lawm le gual ngai hi. Mihing khat lian mah bangin thuak thei hi. Tua ahih manin Jesuh pen Pasian a hi lo bangin mihing sit hi a, mihing ahi lo bangin Pasian sit zong na hi leuleu hi. Tua ahih manin Jesuh bekin pianzia nih nei a, Pasian-Mihing (the God-Man) kici hi. It is right to say that he was God as though he were not man, and man as though he were not God.

Jesuh in mihing ih hihna ah a mihing hihna tawh ong thupi suak sak hi (Heb. 2: 16). Hong manpha sak hi. Tua ahih manin ih manphatna eite in thei a, ei le ei kineu muh kibawl siat ding hi lo hi. Ei le ei ih kikhual mah bangin zong midangte khual ding, thupi sak ding ahi hi. Midangte’ tungah hamsatna tun kha lo ding hi hang. Ei le ei zong hamsatna gimna kiguan tawmtawm lo ding hi hang. Jesuh in a nuntakna tawh ih zuih ding a etteh huai nuntak sianthona zong ong nusiat hi (1 Pet. 2: 21-23). Eite’ tang dingin eite’ mun ah Amah ong si hi (Heb. 2: 10). A mite lam lak dingin Ama’ mihing pumpi mahmah tawh vantungah kah to kik hi (Phil. 3: 21; 1 Cor. 15: 20). Jesuh in ahih leh vangliatna pen thuakna tawh na la ahih manin, ei Christian te in zong thuakna ih kisin kul hi.

Evan. Suang Dal