Malaysia, Melaka ah Motorcycle 3 meikang in siacip
Malaysia, Melaka State sung aom Kampung Lapan vengsung ah akikoih Motorcycle 3 meikanggawp cih NST pan kiza hi. Tuni Tuesday zingsanglam 4am hunpawl in thupiang hi a, Motorcycle 3 banah ageinai ah akikoih mawtaw khatzong meikang cihi.
Zingsang 4am hunpawl in Rumah Pangsa Aunler parking lot ah akikoih Motorcycle khat meikang masa in, tuakhit ciangin ageinai ah akikoihkhawm Motorcycle nihte zong lawhphei hi. Tuaban ah ageinai mahah aki Parking ahi Proton Wira mawtaw khatzong lawhphei sawnsawn hi.
Tua vengsung aom mipi te’n meikat atheih ciangin delhkhia uh a, ahi zongin Motorycle 3 tepen avek in kanggawp in siacipkhin hi. Ahi zongin Proton Wira mawtaw pen limkatngawh lualo hi.
Jalan Kubu Fire and Rescue operations commander Senior Fire Officer II Razali Che Ara in agenkhiatna ah zingsang 4:14am hunpawl in hih Motorcycle meikatvai hongki zasak a, aphual ah Firefighter mi 16 in kidelhpah cihi.
Aphual katun uhciangin khuasung mipi te hanciamna tawh meikuang naki phelhkhinta cihi.
Ahi zongin meikatna ka velcian uh a, meikuang aki lawhkikloh nading in heptheihteng ka hemkhia uh cihi.
Related: Mobile Phone tawh akizom Bilngaihna thuahsa in a ihmu khat sisuak
Firefighter te’n meikatna ahangpen akician in genkhiatding hamsalai ci uh a, athu kanbehding uh cihi. Ahi zongin gitloh gamtatna leh akihal cihte hiloding in ki ummawh cihi. Sawltak #zomidaily
Comment piaknop aomleh...