ZAM Thupuak :: 19 March 2017 (UNHCR / MHPSS Meeting Update)

UNHCR / MHPSS 2017 Meeting a 1 veina kinei thei :: March 16, 2017 (Thursday) 10am–12pm dong UNHCR Conference Hall ah (MHPSS) kici Mental Health & Psychos -ocial Support–Lungsim damlo te ading a madawk nasem khuatual kipawlna ahi SGBV, Child–at Risk, Health Unit, IOM, MERCY, ACTS, HEI, MSRI, ZAM a kipan NGO/INGO 9 sungpan tangmi 23 thu kikup khopna thupi khat kinei thei hi.

Tuasung ah abeisa kum bangzah lai hiam khat a kipan Malaysia gambel, galtai te a panpihna sungpan a phutkhak thu tuamtuam leh a sepding a kisam thute sepzia ding a lunggelna te uh pulakna zong kipawlna pan khat khit khat kinei ciat hi. Gambel kipawlna makaite theih ding thumanpha tampi te sung pan mipi a ding kisam pawlkhat a nuai a bangin ki hawmsawn nuam hihang.

KHUAHUN TE LUNGNGAI KAWMNI :: Galtai mite a tulza a sim gam thumna a puak, khualzin vaiding mawhpuak na anei Mr. Wong Chun Ting –IOM makaipipa genna ah 2017 a ding South East Asia-Malaysia, Indonisia leh Thailand te satan /Quata 5,000 sungpan Malaysia in cases 2500 bek ngah ban ah maikum 2018 ah zong tuamah hong bang thei khading ahih manin Gam thumna lamen galtai ten lungduai leh mailam saupi enkawm a nasep kul cih hong pulaak hi.

Ih genbeh nopthu in Zomi pawlkhatte gamthumna ah US$ khawng a kipua theilo ding bangkek in kikhualna nei het loin nektawm zongin lunggam bangin nuntak khuasak dan omkha theizel hihangh. Lametna hong batlian lohciang leitang kisatna in leibek mahsik in minungah ih thangpaihsep phial hang mi kiban thei non mahmah lo hi.

Tua ahihmanin sakhi bangin ki khankhualin ih nautualkaihna Malaysia mah ah thathak la in, ih hawh ihciahna, ih dah ihnopna ah veng leh paam te zakdah leh mitdonglo theithei dinga kipan, tu a ih omna mun ah sawtpi ih om theih nang, ih paikhiat leh zong maingal leh kisuang lo tak a kileh kik ngam nang, paunak bek hilo in ih tatnang kuamkua khual in zingvaihawm pha ni. (Paunak 16:17 Mihoih ten siatna tawh kipelh ding lampi tawn a, a totding lampi limtak a ngaihsun mi in a ma nuntakna a huu a hihi.)

NA TANGTHU LIMTAK THEITEL IN :: Hihbang thulu ih guatciang, leitung ah kuamah kicinglo sung pan ih Zomipih bek mah akithei hi a, ZAM member a tamzaw tham in ih tangthu ih telcian loh manin UN vai ahihleh lauhuai lopi khat zong lauthawnghna khaici khat ih nei khinkhian den hi.

INNNUAI NATUAH MA NA TANGTHU NGAIHSUN PHOT IN :: Tuibuasa kiluak kik theilo a, Siavuan te hong khialh leh hanmual lam a zuat kul mah bangin UN zumpan kinolhna/Reject laipi hong tunciang mituah ngeiloh bangkhat in ih buailua phingphing thei hi.

Adiakdiak in tualai UN thuthang ahi Card Renew ciang a laidalpi ngah zong kibang khinlo a, pawlkhat te kalnih khitciang a interview ni ding zong piapah thei hi. Tuabang lai nangah leh a manlang theipen in honglung hi mawh pihpen ding te kiangah kopah in, tuahileh a mausep theihloh teng a semthei te kiang hong vansak sem sem leh na interview ni ciang nitak na annkam hong limzaw ding hi. Tuapen nangtung ah kinga cihna hi.

A tungah thulu ih piak liang mahbangin Zomi te khat a tangthu ding limtak gel napin theitel lopi a innnuai a tuahsuk pak leh Puten/Palik tenna dawntuah lian in a vai a dotciang a utbang khatin a dawng hang Puten/Palik te’n limtak na ciam tehsak a hihmanin a khangtawn apuah theih nonloh case khat hong kifile ta a, Lockup – thonginnpi–Immigration camp–UNHCR cihbang te ah na tangthu/case hong kikhak tohtoh ciangin UN ten a miding in hong pom nophang natotna lampi khempeuh laihphat theih hinonlo ahihmanin ih kampau leh ih letmatthuhna te mahin hong awksak thei hi. UN ten galtai a cih kua hiam? Galtai mikhat in hong kiciamteh nading a tehna pidan/thukhun pen adang hi peuhmah loin 1951 UN thukimna mah siksan a tua in ihthute hong khen nahi den hi. Tua ahihmanin “Nang navai nakin kei leh nang hongkin/Lunghimawh te kiang pai in.”

MAT LEH HEN TAM A HI MANIN PILVANG IN :: Tulai a vengveng ah Oprasi leh mat leh hen tam a hihman in hong kimat khak leh Sia Tuangpu Ph.No. 016 254 4093 leh Sia Gomang Ph.No. 018 202 1216 te kiko thei hi. Tua ahihmanin ih Boss te ihkoh hang a mau IC leh IC kitat ding lemlo thei ngeilo ahihmanin kawlgam naciahnop kei leh na Boss te kidelhsak kei zaw inla, sum a kisap pakleh kisiksak zaw in, tampitak ki buaipih sungpan tuadan honkhat om ahihmanin Boss te tatnop/tattak hongsak nangin citak takin nasep sawm zaw in.

INSURANCE NA BAWL HAMTANG UN :: UNHCR Cidamna lampan a pulakna ah RHB insurance company tawh Operation tampi kibawl khin ahihmanin insurance bawl nailote limtak hanthawn a bawlsak ding hi, tua hikeileh galtaite kibawl zolo in mi tampin sih lawh khin ding cihi. Tua ahihmanin sum na mawkbeisak sang ih muh kholh theih loh Ih mailam ding kikhual kawmsa in RHB Insurance leh ZSM Genvai te limtak ngaihsun in. Kuamah kiang leitawi lo/Pawlpi leh khua leh tui buaisak loin, ei leh ei Ih theih nang a hun om lai in kikhual ciat ni.

ZAM AH THUNGETNA KINEI :: Zomi Taangmi thugen te makaihna tawh ZAM zum ah khasim kalnihna ah thu nget kineiden a, 11 March 2017 ni-in zong nopci tak leh lawhcingtakin kinei thei hi. Zomi leh Zogam a ding in lungsim te sungkhia na siatakin thungetna kinei khawm theihi. Topa’n Zomi te taang dingin thu a gen zo semsem dingin thupha hong pia tahen.

ZAM ZUM AH HONG HAWH :: Rev. Vungh Khaw Siam—Cikha EBC Pastor in Malaysia hong hawh sungin ZAM zum ah hong hawhin thapiak na leh thungetsakna hong nei thei ahih manin kilung dam mahmah hi. Topa’n siapa nuntakna a thupha tawh hong tuam sak semsem tahen.

KUANTAN ZATO PI AH ACCIDENT KIDELH :: Heilei khua mi Tg. Kam Lian Khai pen a na sepna pan accident in a tuak ciang ZAM zum ah hong kohna uh tawh kizui in Kuantan zatopi ah kidelhin UN vai leh Zato vaite kivansak thei hi. Sanggampa Tg. Kam Lian Khai zong hong dam siang na’ng thungetna ah phawk ciat ni.

ZAM ZUM AH KILEI THEI TENG :: ZAM zumpi ah ih ngeina vantuamtuam ahi Zopuan Design tuamtuam, Zoniik Design tuamtuam, Puanten, Puandum, Zodial(Silk), Puanlai san, Zokhi, Tanghciin, Khephiau, Zolukhu, Zothungkuah, Zodial cih te akipan naupang puan tuamtuam te deih zahzah ki lei thei hi. Tua bek tham loin

• 1. Thuciamthak Laisiangtho(ZSV) RM30
• 2. Galhiam Phatna labu RM30
• 3. Kawl Laisiangtho(Bu neu) RM30
• 4. Zolai Simbu(Zolai bulpi) RM30
• 5. Dictionary (English to Zomi) RM50
• 6. Tutmun Mikang pau sinna RM20
• 7. Eden ah ciah kik ni RM20
• Cih te zong kilei thei hi.

PUANKHUI SAI :: Numei coat, puan tuamtuam a kiman takin kikhui sak thei hi. Puan naan tuamtuam zong kileithei pah hi. Address :Room 2 10th Floor, Pudu Plaza
Contact: Mawitei 017 2325 212, 032 1106 355

NA MATPONGTIN UH HONG LA UN :: Dim Van Thang(Cingpikot/keizang) leh Pum Sian Piang(Kawlpi/Mualnuam) te na kawlgam matpontin uh ZAM zum ah nong lak nangun kong zasak uhhi.

ASYLUM ACCESS AH HUHNA KINGEN THEI :: SVP team te interview napan card kipiakik nawnlo natheih uh leh ZAM zum leh Asylum Access zumte makaihna pan lawyer te tawh pangkhawmin UN nangahkik theih nading hong geel pih/vai hong hawmpih ding ahihmanin ZAM zumah hih lai na muh phetin nong zaksakpah nangin deihsakna lianpi tawh kong tangko uhhi. Asylum Access te kiangah ut bangin ki pai thei loin appointment lak masak kul ahihmanin UN pan lai nangah phetun nalaiteng tawh hongpai pahun. Appointm -ent date ma kalkhat akisap in nong pai pan a leh lawyer te in buaipih man nawnlo ding cih limtak thei in.

WELCOME TO ZAM :: Kawlgam, Vaigam, tuipigal leh gam tuamtuam pan Malaysia ah hong zin Zomi makai te’n Zomi zumpi ahi

Zomi Association of Malaysia(ZAM) zum ah nong hawh/pha hamtang na ding un itna lianpi tawh kong zawn uh hi.

THONGVAI BUAI PIH TENG

• 1. Kimpi(Tuithang) Miharja pan kiman kibuaipih
• 2. Cing Sian Tuang(Laaitui) Asia Jaya lam block pan ki man kitankhia thei
• 3. Thang Khen Piang(Thangzang) Puchong ah kiman Serdang palik zumah kibuaipih laitak
• 4. Pau Sawm Thang(Zozang) Puchong ah kiman Serdang Lockup ah kibuaipih laitak

ZATOVAI BUAIPIH TENG

• 1. Nuam Gel Kiim(Tuimang) Qualities Clinic/ Hosp -ital Ampang
• 2. Mang Kap Thang(Khampat) IPR
• 3. Pau Do Mung(Saizang) UKM
• 4. Naomi Ciin Sian Hoih(Khuabem) HKL
• 5. Thang Khan Dim(Pimpih) Sungai Buloh
• 6. Man Khup(Mualpi) ACTS

ZAM MEMBER TE NASEP OM

• Factory- Aluminium
• Mi 3 kisam, Khasum 1400(OT man tawh kigawm)
• Nasep hun 8:00AM-8:00PM(Sun nai khat khawl)
• Omna pia, ann pia lo. Sunday off
• Amun :Subang USJ

Factory-Metal

• Mi 2 kisam, UN card nei hi ding.
• Khasum RM1000 + OT(Nisim OT nai 2 ta om)
• Nasep hun : 9:00AM to 6:00OM (6:00PM to 8:00PM OT)
• Omna pia, ann pialo, Sunday nisim off
• Amun : Klang

Factory :Glass Door

• Mi 2 kisam, UN card nei hi ding
• Khasum RM1000+OT
• Nasep hun 9:00AM to 6:00PM
• Omna pia, ann pialo, Sunday nisim off
• Amun :Kajang

Restaurant : Korea Food

• Mi 2 kisam, annbuk sung ah sem ding
• Khasum RM1100 pan kipan ding.
• Nasep hun 11:00AM to 10:00PM(sun nai 1:30 sung khawl)
• Omna pia, ann pia
• Amun : Amcorp Mall, PJ

Maleka Sen annsai

• Khasum 1200, Nasep hun ni khat nai 12, sun nai khat khawl
• Kha khat ni (2) off

Genting Highland Sen ann sai

• Khasum 1200, Nasep hun nai 12 sung.
• Sun nai khat sung khawl.
• Kha khat ni (2) off

Banggi Ngasa zuakna

• Mi 5 kideih
• Nasep hun zingsng nai 7 pan nitak nai 7
• Nitha RM 55, kha khat ni (2) khak
• Omna pia, ann pia lo

Nasep dang tuamtuam zong omlai hi. Annsai, NSK sai leh adang tuamtuam te zong om hi.
Contact : Sia Khuppi 016 3838 014

LUNGDAM KOHNA

• 1. Lian Khan Kim(Tuithang) RM20
• 2. Mawitei RM50
• 3. Nang Suan Khai(Tungzang) RM50

ZAM zum leh thupuak ading panpihna hongpia Zomi u leh nau, Khua kipawlna leh biakna pawlpi khempeuh tung ah gen zawhloh lungdamna lianpi ZAM pan kong tangko uhhi.

Note :: PDF tawh na simnop leh
Hih link PDF File tungah namek lecin Download kullo in PDF Version tawh ki simthei pahding hi. PDF File tepen ihtheihsa mahbangin Mobile Phone sangin Desktop PC tawh a etdan lemzaw khading hi.