Malaysia MEX Highway tungah mawtaw 5 ki phukhagawp, mi 1 si, 3 liam
Malaysia gamsung aom MEX Highway kici lamzikpi tungah Saturday zingsanglam in Accident huaisia mahmahkhat piang cih NST pan kiza hi. Hih tuahsiatna akipatna pen Mazda 3 kici mawtawkhat azuihloh nadingin lampi ah Traffic Flow lehhawlgawp ahih manin, tuahsiatna piang a, mawtaw 5 tak akitaihkha ahihi.
MEX Highway lamzikpi ii Km10.7 munah Mazda 3 mawtaw pen Traffic Flow lehzuih in aphenghawlgawp ciangin Proton Preve mawtaw khattawh kiphukha masa hi.
Tuakhit ciangin adang mawtaw 3 tawh kiphutkha sawnsawn in, akigawm in mawtaw 5 tak aki phukhagawp ahihi.
Asipa pen Proton Preve mawtaw sungah atuangpa hi a, kum 36 aphakhin Juhan Sabturani kici hi. Amahpen Security Guard asemkhat hi a, alu nakliam mahmah in tuatawh asi ahihi. Mawtaw lampi zuihlohnading ah alehtai mawtawhawl mikhat hangin asihlawh citciat ahihi.
Tualo adang aliam tepen Proton Preve mawtaw sungah atuang Passenger mi 2 leh Mazda mawtaw ahawlpa ahihi.
Adang akiphukha mawtaw 3 tepen Proton Preve, Peugeot, Proton Waya cih mawtaw namte hi a, zingsanglam 3:30am hunpawl in tuahsiatna lianpi apiang ahihi.
Video: A car driving against traffic on the MEX highway caused a five-vehicle pileup and killed a 36-year-old bodyguard. City Traffic Investigation and Enforcement deputy chief Supt Sarifudin Mohd Salleh said that the accident occurred at around 3.30am Saturday (July 7). “Preliminary investigations shows that that a grey Mazda was driving against traffic (on the highway).
City Traffic Enforcement and Investigation Department chief Assistant Commissioner Zulkefly Yahya in agenkhiatna ah amasa mawtaw 2 te aki phutkhak khitciangin, anungpanin adang mawtaw 3 te’n khawlsakman nawnlo in aki phutbehsuk ahihi ci’n genkhia hi.
Hih tuahsiatna ah akihelkha mawtaw khempeuh Chemical Department and Puspakom te’n hoihtak in velcianna nei uh a, “Section 41(1) of the Road Transport Act 1987” thukhun tawh kizui in thu kibawl cih kiza hi.
More: Mandalay Region sungah lampitung tuahsiatna Road Accident tam mahmahlai
Mazda mawtawhawlpa in Highway tungah Traffic Flow lehzuih in ahawlna hangin, Kuala Lumpur pan Putrajaya zuanin atai mawtaw 4 tetawh aki phukhagawp uh ahihi. Sawltak #zomidaily
Comment piaknop aomleh...