Internet zangsaklo ahih manin sangnaupang khatin anu temta tawh sat
China, Jiangsu khuasung ah High School sangnaupangkhat anu in Internet zangsaklo ahih manin, hehmahmah a, anu temtapi khattawh satgawp ciliangmawk hi. China Media te genna ah anu pen mawtaw koihna Garage sungah a ihmut laitak in temtapi tawh asatgawp cihi.
Reporters te genna ah tua buainaphual Garage sungah Blanket puanzapi te silehnai tawh kidim zihziah cihi. Sangnaupang pa’n anu pen temtapi tawh 7 vei, 8 vei bang satding cimawk hi.
Tua High School sangnaupang pen Chinese Police te’n manpah uh a, anu pen Nanjing No. 1 Hospital ah amanlang in kipuakpah hi. Aliamma pen sihlawh liangding hisamlo a, ahi zongin khuikulding, Surgery bawlkulding cihi.
Aliamma ahuaisiapi pen munnih ah hi a, munkhat pen aliamma 20 cm bang sau cihi. Aliang leh akhutteng ah aki satkhakna tampi om cihi.
Repoters te Hospital ah anu kikepna a ending in apai uhciang in a ngawng leh akhut veilamteng Bandage sahtak in kituam venvan cihi.
Nupinu pen a aw hoihtak suakzolo a, atapa in bangcisat cihzong bangmah genkhia nuamlo cihi.
Related: China ah mopawi bawlma akimawl, akidelhleh monu inntung pan kia in si
Tuhun naupangno, khangno te pen aneutung akipan Internet tawh khangkhia uh a, Internet tawmvei zangkhakei leh tucip theilo in, uimei meikang bangin kilehsuk kilehto in omsesu thei uhhi. Naupangno te aki pattah khialhleh apapai hita hi. Sawltak #zomidaily
Comment piaknop aomleh...