Sengam ah mopawi bawlding kopkhat mopawi abawl madiak in azat ngeina khat ahi kibuksan in akdelhleh inndawn pan monu kia in si cih SOHU News pan kiza hi.
Nung Tuesday ni in China, Guangdong khuasung ah thupiang hi a, monu pen inndawl 4 na panin akiasuk ahihi. Monu pen kum 22 aphakhin khat hi a, amauzat angeina “Traditional wedding game” ci’n monu pen kibuksan in, mopipa in zongsak sese uhhi.
Monu zong inntungdawl 4 na ah kibu in aomlaitak mopipa in zongto in amuhciang kidelh uh a, innmai khuadakna Balcony panin kiasuk hi. Balcony pen luita ahih manin, kilongkhia in monu tawh akiasukkhawm citciat ahihi.
Hih khuasung ah azatngeina “Local wedding custom” khat nei uh a, mopawi akibawlding ciangin monu innah mopipa leh moliahpa vapai uhhi. Monu inn alutma in innkongkhak ah moliahnu in nangak hi.
Mopipa pen kongkhak ah aluttheih nadingin guaihna “Red packet” khat piakkul a, tuaciang in moliahnu in kongkhak honsakpan hi.
Kongkhak ahonkhit ciangin mopipa inzong monu zongdingin innsungah lutpah a, monu inzong naki buksan hi. Amuh ciangin khatlekhat kino kawmin, kidelh uh a, innmai Balcony ah taikhia in, tuapan in Balcony pan monu kiasuk citciat hi.
Related: China gamsung ah Bus leh Truck khat kiphukha, mi 10 si in 38 liam ~ ZD
Balcony Railing pen asia ci’n akigen hi a, ahi zongin aki bawlman nailo cihi. Local Chinese Police te’n monu sihna pen hoihtak sitcianna nei uha, thusitna neihding in pasal 3 man uh cih kiza hi. Sawltak #zomidaily
Comment piaknop aomleh...