Tedim Viewpoint kibawl nading
Gawmual dawn-ah va kah in, va en thei hi ungh.Viewpoint bawl nading leitang a neite lak ah Pa. Nang Khai (Sezang) in, mipite tawlngakna/ khawlmun ding a hihman in, keima leitang ka piakkhak hampha kisa mahmah ingh ci lai hi. Zomite sungpan a et teh huai mahmah ngaihsutna picing nei miciim khat ahi hi.
A dangte zong a mah bang ngaihsutna nei ding in, ki deih bawl hi.Leitang lei nading tungsiah pan sum hong kiat beh hilo a hihman in hamsa veve sam hi. A hi zong leitang neite lungkimsak ding leh mawksuak sak loh ding pen komau vaipuak a hi hi. Ma i pan theihna tek pan ma i pan ciat ding itna tawh kong zawnlai uh hi.
Vaiteng a lem leh 2018-2019 kikalsung ah ki bawl thei ding ahi hi.Tua ciang mivom/ mikang cih omlo a ut khempeuh nuamtak tawlnga in, Tedim khuapi hoih nate gal-et hiuhiau kawm lai zen ding hi.
Lia le tang ten nuamsa zawdeuh lai ding ai ve.Viewpoint pan khuadak hiuhiausa in, lunglai itna sinthute khuabang na sutsut noplai leh zi/pasal na nei nai kei un lia le tang teng aw. Dimtui Vangkhua ni bang tang tawntung ta hen!! Tedim Municipal
Valvum ah huih khauhluatna hangin ankung Acres 172 val kisa
July 20, 2018 ni zingsang nai 6:00AM pawlin huih khauh zek leh guah kithuah ahihmanin Tedim Township Valvum khua ah Lokho mimal 129 te vaimim kung ciinna lo acres 172 val kisia hi. Hih vai tawh kisai Tedim Administration zumpi ah zong July 23 ni in zasak khin uh hi.
“Tukum an kila theilo hiau ding ahihmanin khuasung mite lungkham mangbang thei mahmah uh hi ung… gam sung/gam pua om akuamapeuh in hong panpih ciat un´” ci-in Valvum khua Hausa Pa Tuan Do Thang in Tedim Post tungah gen hi. Pa Tuan Do Thang/ Tedim Post
Comment piaknop aomleh...