Pasal khatin atunu kum 3 aphapan khat buansawm in kiman

Pasal khatin atunu kum 3 aphapan khat buansawm in kiman

Malaysia, Johor Baru ah pasal khatin atunu kum 3 bekbek aphapan khat buansawm, Rape sawm ahih manin kiman cih Stomp pan kiza hi. Johor Baru, Jalan Tiong Hua sung aom innsung khatah nung Tuesday zanlam in thupiang ahihi.

Hihvai tawh kisai in palik thunei ahi Sibu district police chief Assistant Commissioner Zailanni Amit in agenna ah hih thupiangpen Tuesday nitaklam 8pm hunpawl in thupiang cihi.

Kum 3 aphapan atanu pen tua pasalpa ii alupna inndei sungah akaplala anu in azak ciangin aki theikhia cihi. Atanu akah azak ciangin anu in delhpah a, ahi zongin tua abuansawmpa in inndei pen asunglam panin kongkhak kalhcip cihi.

Anu in kongkhak banggawp in tawlpikhat khitciangin abuansawmpa’n kongkhak honpan hi. Tuaciang in tua atanu pen kapkawmsa in inndei sungpan in taikhia hi. Abuansawmpa zong tua innsung panin taikhia vingveng cihi.

Tuaciang in atanu in akalkawmteng nasa in anu kiangah genkhia hi. Anu in a etsak ciangin si aluang mu in, lamdangsa leh patau mahmah a, amanlang in Sibu Central Police Station ah Report bawlpah hi.

More: Malaysia, Penang ah kum 15 aphapan atanu buanin agaisak papi khat kiman

Tuani zanlam 11pm hunpawl in tua abuansawmpa pen Police te’n mankhia theipah uhhi.

Tuapa inzong atunu pen ka lupna inndei sungah ka lutpih a, ka buansawm khamah hi ci’n Police te tungah genkhia cih kiza hi. Sawltak #zomidaily