Indonesia gamsung ah Stock Exchange in akizang innpikhat kicim

Indonesia gamsung ah Stock Exchange innpi in akizangkhat kicim

Indonesia gamsung aom Stock Exchange Building in akizang innpikhat Monday ni in kicimsuk a, mi honkhatliam cih Reuters pan kiza hi. Indonesia Stock Exchange Building akicipsuk ciangin maankitam leh ninthem buasuk ziahziah in, anuai aom te adengkha ahihi.

Hih Building pipen Tower nihtak akizom in akilam “Two-tower Complex” hi a, abeisa 2000 kum hunlai inzong Islamist Militants kici migilo te’n suksiatding in angim ngei uh ahihi. Tuabang in migilo te’n angimngei Tower minthangkhat ahih manin, hih tuahsiatna zong Bomb tawh aki sukham hiding cih ki ummawh masa hi.

Ahi zongin hih tuahsiatna, innkicipna pen Bomb puakkham hilo hi ci’n Police te’n gencianna nei uhhi. Police te’n Complex kimteng ah khaukhung in umcihsak uh a, aliamte Stretcher tawh zawngkhia uhhi.

Jakarta Police spokesman Argo Yuwono akikhat in Metro TV te tungah agenna ah aliamte leh asungah aomte aki hepkhiattheih nadingin ki hanciam masa hi ci’n genkhia hi.

TV sungah aki khahkhia Video Clip leh Social Media ah aki khahkhia Photo te aki etciang in tua inn akicim pen Building ii akongpi lutna Entrance geinai Starbucks Cafe omna geiteng kici hi.

Video: CCTV footage emerges of floor collapse at Indonesia Stock Exchange

Exchange’s President Director Tito Sulistio ii Personal assistant asem laitak ahi Vindy kici in agenna ah tua akicimpen inn dawlnihna “Second Floor” akicimsuk hi ci’n genkhia hi. Tua akicip hun laitak inzong amahzong Building sungah ka omkha cihi.

Concrete suangpek te kiasuk ziahziah in, vuizong khuziahziah hi. Tui Pipe tezong kitam in, tui lengkhia ziahziah hi ci’n Building sungah nasem ahi Megha Kapoor in genkhia hi. Amahpen tua inn akicip laitak in Lobby sungteng ah ka omlaitak hi ci’n genkhia hi.

More: Indonesia, Bali ah guihtheih khamtheih vankham tawh gamdangmi 3 kiman

Inn akicimsuk ciangin agin ngaihmahmah hi. Numei khatzong suangpek te in dengkha in khua phawknawnlo hi. Hih inn akicipsukna pen Reception Desk omna ii atunglian ahihi ci’n genkhia hi. Exchange’s President in agenna ah aliam pen mi 20 valloding hi ci’n genkhia hi. Sawltak #zomidaily