Titanic Tembaw sungah ih theih khak loh thu om
Tuitung tembaw lakah a gol pen, tui sungah zong tumsuk thei lo dinga mipilte’n a bawl uh Titanic tembawpi pen April 15, 1912 kum in tuipi laizang a thuukpenna munah hong tumsuk diaidiai a, mi 1500 in sihlawh uh hi. A site lakah Catholic phungzi ahi Fr. Thomas Byles zong kihel hi. Nihvei sitset donghu gunkuang (Lifeboat) tawh suakta dingin kisawl himah leh aman na nial in, sih ding bek a ngak Passenger teng hehnem in thungetsak a, Mawhsuutna ngaiin amau tawh a si khawm dingin kipumpiak hi.
Fr. Thomas Byles pen tuani in New York ah a sanggampa zi neihna pawi ah letthatna bawlsak dingin Titanic tembawpi tawh a pai ahihi. 1902 kum in Rome khuapi ah Ordination ngah in, tua khit ciangin St. Helen Parish (Essex, UK) ah 1905 kum a kipan a sihni dong in Parish Priest a sem ahihi.
Ticket mantawm pen (Third Class) tawh Titanic tung a tuang nungak nih Agnes McCoy leh H. Mary Mocklare te genna ah “Titanic in Vuuk khalpi a taih laitakin ka vek un ka tutna muntek pan un sual tungah ka kia suk uh a, tua zawh a sawt lo in kolam zuan in Fr. Thomas Byles hong pai phei ka mu uh hi. A khut tegel kolamah hong van in thu hong ngetsak a thupha hong pia hi. Tua laitak in mikim kidaai dikdek hi. Fr. Thomas Byles ka theihna pen tuani zingsang in Titanic tembaw tungah mipi tawh Missa hong bawlsak man ahihi. Ama mel ah lauhna dipkuatna cih bang om ngiat lo hi.
Ka lu tung vuah khut nga a ‘lau kei un’ hong cihna kammal in khamuanna hong pia hi” ci hi. “Tembaw thuneite in Fr. Thomas Byles khiangah Lifeboat tungah tuang inla, hih mun pan in kihemkhia meng in cici napi amah ut vet lo hi.
Link: Priest who died on the Titanic could be on path to sainthood
Ko Lifeboat tawh a kihemkhia teng mun gamla sim pian ka tun khit uh ciangin Tembawpi omna lam ka nung et kik uh a, Fr. Thomas Byles thungetna AW kitel takin ka za uh a, mipi te dawnkikna AW zong ka za ciaiciai lai uh hi” ci hi.
Francis Lamthang
Comment piaknop aomleh...