Buddhist siampu Wiratha in Trump tawh kibang hi’ng ci

Buddhist siampu Wiratha in Trump tawh kibang hi’ng ci

Nov. 18, 2016: Kawlgam-a Ma Ba Tha organisationte’ makai leh Buddhist phunji Ashin Wirathu in ko gamtatna pen leitung bup in lungsim neu ci-in hong kawk tuam uh a, ahih hangin leitung ading democracy’ pu US kiteelna ah President dingin a kiteelcing Trump in Islam a langpan’na leh a gam it dan pen kei’ ngaihsutna tawh kibang a, Trump tawh kibang ka hih manin tu-a kipanin mi’n hong mawhsakna dau deuh ta ding a, hong kawl tawm tuam ta ding hi ci-in gen hi.

Wirathu in US ah Islam kihtakhuaina dal dingin kipawlna om thei a, tuate Kawlgam ah hong pai le uh leh Islam dalna ding tawh kisai thu genkhopna nei ding leh thuhilhna la dingin hong pai uh hen ci-in Nov. 12 in Mandalay monastery ah interview ah gen hi.

Wirathu in ka mite uh leh ka gam uh ka humbit nop manun Islam langpang ka hi uh a, (gam) kuamah thuhilh ding ka kisam kei uh a, ahih hangin ko kiang panin ngaihsutna sin ding leh la dingin kuapeuh hong pai thei uh hi ci phelphal hi.

Wirathu leh Ma Ba Tha-te pen million 55 teenna Kawlgam-ah kihuatna leh minam kideidanna a piangsak leh 2012 in Rakhin state sunga buaina ah Rohingyate 200 kithahna piangsakte hi ci-in kingawh hi. July kha in senior Yangon-a NLD ulian khatin Kawlgam-ah Ma Ba Tha (Committee to Protect Race and Religion zong a kici)-te kisam lo a, hih pawlte thuhilh ding kisam hi a cih manin Ma Ba Tha tawh panin Wirathu hong kidaang koih hi kici hi.

August kha in “Ma Ba Tha kipawlna nakpi takin dau in dual ta hi,” ci-in Myanmar Times headlines ah kituangsak a, ahih hangin Wirathu in hih kipawlna bangmah in dausak tuam zo lo ding a, a khawnkhong in bei lo ding hi ci. NLD in hong deih loin hong beng dai nuam a, ahih hangin thukham kipalsat lo ka hih manun a gamtat ding uh haksa sa uh uh hi ci-in gen hi. The Hindu/ Thang Khan Lian