Tho in la taang in ~ Lampi, Mei leh Tui
October 3 ni Kalaymyo to Tedim to Ciau/Rih lam Vanpua Mawtaw 179 pha hi ci-in Palik bu Pyitaung in gen hi. Hihzah in Vanpua Mawtaw atam hang India tawh kizopna lampi pen ေျကာက္ခင္းလမ္း zong hilo in Buannawi lampi hi. Nungkum in agenna vuah Kawlgam ah Kalay-Tedim-Ciau Boader Trade pan tax a tamnihna hi ci hi. Hih Lampi ah sum bawl atam zaw pen ei Zomite hi.
Tedim Khuapi pen amun hoih mahmah hi.
Pasian in Zomite thupha hong pia hi. Indo-Burma kikawm nang Tedim hong totloh phamawh hi. Falam lam tawn ding hileh taitam pi in gamla zaw hi. Falam a tung uh ciang, Tedim tawm hileng Ciau kitung man ding hi. Creator’s Blessing Geographically cih ding hi. India Kumpi in 2018-19 sung, Lampi hong toding a, Tedim-Kapteel-Hiangawn-Tuitawh -Lentang lam ah lamhoih mahmah hong tawhsak ding hi.
Mei zong asiamten agen ciang Zalui pan hoihtak agina in kila zoleh Mei kicingh mahmah ding hi ci hi. National Grid bel 2020 kiim ciang kingah tuak pan hi. Nidang in Tedim Chin State ah Mei hoih penpen in kigen a, tun Northern Chin State Khuapi thum ah ahoihlo pen mun ah kiasuk ta hi. Falam leh Hakha ah Maha Dat-line(National Grid) kham pikpek ta uh a khangtoh lam manawh mahmah uh hi. Zomite khuapi Tedim ah bel nikhat hal in pai a mei bill tawm mahmah hi.
Tuizong Sialtang pan bekbek zong a pipete laih zo in hoihtak bawl leng kicing mahmah ding in gen uh hi. Hakha te bang Falam gampek pa la zo uh hi. Nidang Tedim te a kicihnak leh zahtak kai mahmah in hong kilau mahmah ci hi.
Banghang hici kiam hiam cih ngaihsut a, thumanna leh cihtakna neih kik ding thupi hi.
Ih Lampi, Ih Mei, Ih Tui hong hoih leh Zomite khangtoh ding kuan dal zo ding ahiam? Pasian in mun hoih leh gam hoih hong pia cih theih ding hi. Chin State ah Nickle anei zong Zomite bek hihangh. Tulaitak bel hong ki haza mahmah a, Khazai ngah nang zong Chin State CM in letmat thu nuamlo cihkhong kiza hi.
Zosuante hanlung ciam peuhleng palbang hong nang zoding omlo ding hi. Ih Sisante gawm kik ni.
Lungdam
Cin Lian Khai (Zogamkhaino)
Comment piaknop aomleh...