Indonesia biakinn sungah Suicide Bomb asukham te innkuankhat ci
Indonesia gamsung aom biakinn mun 3 ah Suicide Bomb asukham tepen innkuan khatpan hi ci’n AFP te’n pulakkhia uhhi. Tua innkuan tepen akigawm in mi 6 apha uh hi a, atanu tebang neulai mahmah uhhi. Islamic State Group kici IS migilo te’n ko ii gamtatna hi ci’n mawhpuak pulakkhia uh a, hih Suicide Bomb sukkhapna hangin akigawm in mi 13 in sihlawhin adangzong mi 40 bang liamgawp uhhi.
Indonesia, Surabaya khuasung aomm biakinn mun 3 ah Bomb aki sukham hi a, Indonsia gamsung ah abeisa in Bomb aki sukhamte lakah misi atampenzong ahihi.
Surabaya City pen Indonesia gamsung ah khuapi alianpen nihna “Indonesia’s second largest city” ahihi. Zanni in biakinn mun 3 ah Bomb apuakkhap khitzawh asawtlo in Surabaya City sung aom Apartment Complex khatahzong Bomb puakkham in mi 3 in sihlawh uh a, adangzong mi 2 liam cisawnsawn hi. Tua Apartment Complex sungah Bomb asukham pen kua kipawlna cih kitheinailo a, kuamah inzong ko ii mawhpuak, Responsibility hi ci’n apulakkhia omnailo uhhi.
Biakinn mun 3 ah Bomb asukham innkuan te vaitawh kisai in National police chief Tito Karnavian in agenkhiatna ah mi 6 apha innkuan khatpan in agamtatna uhhi. Tua innkuan sungah anu, apa, tanumei kum 9 leh tanumei kum 12, tapasal kum 16 leh tapasal kum 18 cihteng hi uh a, hihte innkuanpen a Indonesia gamsung ah ngonggamtat Jamaah Ansharut Daulah (JAD) kici Local Extremist Network tetawh akizom uhhi ci’n genkhia hi.
Video: A family of six carried out suicide bombings at three churches in Surabaya in Indonesia’s East Java province during Sunday mass on May 13, killing 13 people, according to the police.
Local Media te genkhiatna ah hihte innkuan pen abeisa asawtnailo in Syria gampanin Indonesia gamsung ah hongciahkik uhhi. Syria gamsung ah Indonesia gammi tampi pai uh a, IS tetawh kipawlkhawm uhhi ci’n genkhia hi.
Anu leh atanumei 2 tepen Muslim te ngeina bangin Niqab tawh amai uh tuamcip in, akawng ah Bomb pua uhhi. Tuakhit ciangin Kristen Indonesia Diponegoro Church ah pai uh a, avanpuak Bomb tepen amautawh apuakkham khawmsak uhhi ci’n Police Chief in genkhia hi.
Apa uhpen migilo kipawlna JAD Cell Leader khat hi a, Bomb apua mawtaw khat hawlin, Surabaya Centre Pentecostal Church sungah lutsak in apuakkhamsak cihi.
Tualaitak mahin atapa 2 tepen Motorcycle tawh Santa Maria Church ah pai uh a, apuak uh Bomb apuakkhamsak cihi.
Avek un agamtatna pen Suicide Attack vive hi uh a, ahi zongin a Bomb zatte uh anam kibanglo cihi. Hih Sunday’s Church Attack pen abeisa in JAD Leader te akimatna hangleh abeisa thongsung ah buaina “Prison Crisis” hangin ki thuhkikna “revenge” hiding hi ci’n Police Chief in genkhia hi.
Nungdeuh mahmah in Indonesia, Jakarta khuapualam aom thonginn sungah buaina pianggawp ahih manin, Indonesian Police Officers mi 5 leh thongkia Inmate 1, akigawm in mi 6 takin sihlawh uhhi.
More: Indonesia, Aceh ah numei kizuakvai tawh mipimai ah mi 8 kizeepgawp
Tua thonginn pen amuanhuai mahmahding in akilam “high-security jail” akici himahleh buaina piangveve in, Islamic State kici IS Group migilo te’n ko ii gamtatna hi ci’n mawhpuak pulakkhia uhhi.
Indonesia gampen leitungah Muslim atampenpen gam “world’s biggest Muslim-majority country” hi a, hih kibawlsiatna pen namneu biakna te bawlsiatna lakah anunungpen ahihi. Sawltak #zomidaily
Comment piaknop aomleh...