ZAM Thupuak :: 26 February 2017

Zomi Nam Ni 2017 Malaysia ah lawhcing takin ki bawlthei :: Zomi Nam Ni 2017 pen kumdang te bangmah in Kuala Lumpur khuapi sunga om Chinwoo Stadium ah nopci takin kibawl hi. Hih pawipi sungah Rev. Suan Cin Hau (IZCC-Pastor) in hun hong makaih hi. Tuasung ah la hong makaihsak teng IZCC pawl pi pan Muantuang, MZCC pan Haunu, MBF pan Lunlek, CMF pan Cingboih, ZAC pan Nuucing, ZCF-Kota Damansara pan Alex Muang, ZCF-Canaan pan Marry Nuam te a hi uhhi. A kizomin Rev. Suan Cin Hau in music tumte maitang lahna hong nei hi. Zingsang 11:00 lian ciangin “Tuun Sung Khat Pan Piang” cih la sa ziahziah in hunte kipan hi. Rev. Dai Sim Mang (ZEM-Klang Pastor) in kipat na’ng hun ap thunget na hong nei hi.

Tua khitciangin Zomi Nam Ni Committee President Rev. Gin Do Khup (ZCF-Kota Damansara Pastor) in thukong honna hong nei a, “Tuni 69 vei Zomi Nam Ni muakna ah Australia pan hong zin Dr. James Suan Za Dong, Singapore, Kawlgam leh mun tuamtuam pan hong paite kong muak uh hi” ci in thukong honna ah hong gen hi.

Tua khitciangin Kuala Lumpur Methodist Collage pan Pastor Micheal Moey in Ruth Education Centre Zomi sangnaupang tengtawh Choir dawng nih tawh Zomi Nam Ni muakna hong nei uhhi. 69 veina Zomi Nam Ni a zin mangpi a hong pai Dr. James Suan Za Dong in thugenna hong neih ma-in Rev. Gin Do Khup leh Rev. Thang Do Khen te in ngeina puan “Tanghciing” silh sakna hong nei uh hi.

Zin mangpi Dr. James Suan Za Dong in Zomi nam ni I omna sung pan Zomi leh Chin cih tel genna hongnei hi. Zomite ei leh ei ki uk nuam I hihmanin Sengam pan kawlgam tua pan khamtung gam kitungto hi. Khamgtung gam nagawn ah siahtung, siahphei bei nang ahanciam mahmah Pu Song Theu in hong pankhia hi. Kawlmite in zong Mangkang te ukna nuamsalo uh ahihmanin kawlgam sung minam tuamtuam kikum in, mikang ukna pan suaktak na’ng ci in, ei Zomi te 3 vei kihel in 20 February 1947 kum in Panlong thukimna ah minthuhna nei hi. Zomi Nam Ni 1951 kum pan kipan “Phuan” ahih hang 1947 kum hisak ni cih kipsakna kinei hi.

• Chin leh Zomi cih lamdanna
• Chin cih pen tangthu upna, midang te hong sapna, ei leh ei kigen ngeilo
• Zomi cih pen mikang, Sente in hong ciaptehna uh hi.
• Zomi cih neusak lo a, tangzaitak leh hangsan takin genkhia ding hihang.
• Minamdang te lak ah ei Zomi mah hampha pen hi hang,
• Lai leh pau ah mihampha pen hihang ci-in Zomi leh Chin tawh kisai telgenna hong nei hi.

Tua khitciangin UNHCR pan Miss Joanne in thugenna tomno hong nei hi. “Minam thupi sak nahih na uh, haksatna sungah kihuai zo na hihna uh tuma kum 10 lai in kong theihsa nahi uhhi. Hong lungdam pih mahmah ing ci hi. A kizom in kawlgam sung a minam tuamtuam te amau geinapuan ciat tawh kilakna Zotaang leh Zolia te in hong nei uhhi. Minam tuamtuam kilahna khitciangin lasakna 2016 kum a Idol a khatna Lia Sian Hoih, a nihna Stephen Muan leh a thumna David Kiim in hongnei uh a, tha kingah mahmah hi.

Azom in Zomi Ebenezer Malaysia-Klang pan khangnote in lamna hong nei uh a, a zom ah 2014 Malaysia Zomi Idol a thumna Suummuan, a nihna Siancin leh a khatna Kiithang te in lasakna hong nei to uhhi.

Tuakhitciangin 2015 Malaysia Idol Kikim in hong zomto hi. Azom in Zomi Nam Ni Committee Secretary Sia Khoi Sian Tuang in lungdamkoh thugenna hongnei a, “Khua kipawlna, pawlpi leh mimal tungpan sumtha tawh mapanna, zinmangpi Dr. James Suan Za Dong amah leh a mah lamsap kisik a hong paina leh Music tumsiam Sia Gin, Chitkhai, Mamang leh Cinpi te tawh ih Zomi Nam Ni a ding I hihtheihna ciatpan mapang khopna te lungdamna thu hong gen hi.”

Tua khit ciangin ZEC-Maharajelela pan ngeina lam lahna hong nei uhhi. A zomah Pu Lengtong Pauno in Zomi ka hi cih teti panna leh lasakna hong nei a, “Nimna dildial, So na vingveng” cih la tawh zong hong zomto suakin tha kingah mahmah hi. 2017 kum Zomi Cup Volleyball leh Football gualtungtuangte letsong piakna kineito a, Volleyball a nihna Darkhai, a khatna Ngente in pahtawina hong la uhhi.

Zomi Nam Ni video tuamtuam

https://www.youtube.com/watch?v=iVux70e60OY&list=PLKbNw2UzCx0sKWCChEywDD5XShiINcpeC

A zomin Football pahtawina ah Goal tam khumpen Thangno (Tuipiteam) leh Kap Thawn Lian(Anlanghteam), Alai ah kimawl siampen Pau Kam Cin (Ngente Team), Goal pang siampen Kap Sawm Cin (Anlangh), Nungdal siampen Mung Suan Sang (Anlangh) Maitai siampen Kap Sian Ong (Tuipi Team), Kimawl siampen Mung Kap Thang (Anlangh Team) te a zomzom in pahtawina kipia hi.

Football ah a thumna angah Kapteel, Anihna a ngah Tuipi leh Champion a ngah Anlangh team te pahtawi na kipia to hi. Tua khit ciangin Pu VC Mang in lasakna hong nei hi. Mipi in tha kingah mah mah hi. Tua khit ciangin Mipi khempeuh din sa in “Lunglua lo aw Zogam lei aw” cih lasa in Zogam itna leh lungzuang kawmsa in kisa a, 2017 kum a 69 veina Zomi Nam Ni nuamtak in kizai zaihzaih hi.

Rev. Dr. Nang Lian Khual in thupha piakna tawh Zomi Nam Ni hunte kiman bawl a, ciah nuam nai lopi mah in kiciah hi. Record: Rev. Dal Za Cin (Kuala Lumpur UPC)

LUNGDAM KOHNA: Zomi Nam Ni nuamtak leh picing tak I bawl zawh na dingin mapang khawm Khua, Pawlpi leh mimal tungah lungdamna lianpi I ko hi.

RM 100 hong pia teng

• Tuitang Khua kipawlna
• Selbung Khua Kipawlna
• Tualzang Khua Kipawlna
• Pangzang Khua Kipawlna
• Bapi Khua Kipawlna
• Singzung Khua Kipawlna
• Ngennung
• Taakkhawl
• Vongmual
• ZAGC
• Teeklui
• Buan
• Langzang
• Haiciin
• Thangkai Suangpi

RM 150 hong pia teng

• GGA

RM 200 hong pia teng

• Vangteh Innkuan-Malaysia
• Suanghoih(SNO)
• Sunway Emmanuel
• Thalmual Khua Kipawlna
• Kansau Khua kipawlna
• Cikha Innkuan-Malaysia
• Chanthagyi
• Mualpi Khua Kipawlna
• Dimlo khua kipawlna
• Tuithang Khua kipawlna
• Darkhai Unau Malaysia
• Mualbeem Khua kipawlna
• Laaitui khua kipawlna
• Pyidawtha Khua Kipawlna
• Tuizang Khua kipawlna
• Heilei innkuan –Malaysia
• Tuisau Khua kipawlna
• Taaklam khua kipawlna
• Luanggel Khua kipawlna
• Malaysia Nahnuai Kipawlna
• Mualnuam Khua Kipawlna
• Haupi Khua Kipawlna
• Zozang Khua Kipawlna
• Lamzang Khua Kipawlna
• Phunom Khua Kipawlna
• Anlangh Khua Kipawlna
• Tuipi Khua Kipawlna
• Phaiza Khua Kipawlna
• Tungzang Khua Kipawlna
• Singunau Khua Kipawlna
• Lezang Khua Kipawlna
• Saipimual Khua Kipawlna
• Gawngmual Khua Kipawlna
• Pangsak Khua Kipawlna
• Tuimui Khua Kipawlna
• Tuitawh Khua Kipawlna
• Dimpi Khua Kipawlna
• Tuilangh Khua Kipawlna
• Buanli Khua Kipawlna
• Saizang
• Ngalbual
• Mal Suangzang
• Sezang
• Tungtuang
• Tauleng
• Tedim Suangpi
• Lailo
• Mualkawi
• Mualzang
• Lailui
• Cingpikot
• Ngalzang
• CMF
• Suangzang
• Kawl Dimzang
• Suangsang
• Lailo

RM 300 hong pia teng

• IZCC
• MZCC
• ZCCM
• Kapteel Khua kipawlna
• MLPP pawlpi
• MBF Sunway Pawlpi
• BCC-Songailong Pawlpi
• ZCF-Kota Damansara
• ZEM Pawlpi
• ZCF-Kajang Pawlpi
• ZCA Pawlpi
• Praise Adonai Santuary
• Zomi Innkuan-Rawang
• ZCF-Canaan
• ZAC
• EBC-KL
• Shalom Christian Fellowship_KD
• Zion UPC

2017 ZSM LAIBU HONG AP KIK TA UN: Malaysia zomi Genvai Kipawlna (ZSM) 2017 ading laibu te December 2016 in I hawmkhiat hi a, February kha bei ah ZAM zum puak kik sawm ciat ni cih kong zasak uhhi. Mapang khawm in I sep khopna te Topa’n thupha hong pia semsem tahen.

WELCOME TO ZAM: Kawlgam, Vaigam, tuipigal leh gam tuamtuam pan Malaysia ah hong zin Zomi makai te’n Zomi zumpi a hi Zomi Association of Malaysia (ZAM) zum ah nong hawh/pha hamtang na dingun itna lianpi tawh kong zawn uh hi.

DAHPIH NA: Sialthawzaang khua Pa. Ai Do Kap Leh Nu. Lian Lawh Cing te tanu Monica Cing Tawi Nuam (Kum 1 leh Kha 9) in cisa damloh na tawh Klang zatoinn pan in 20-02-2017 ni-in hongnusia a, Nauno luang hawm hawm pen Kalang Meru hanmual ah 22-02-2017 in Fr. Robert Khai makaihna tawh ki vui thei hi. ZAM/ZSM member ahihna tawh kizui in hanman a bei teng ZSM pan in kivai hawm hi. Nauno hangin adah a kap NU/Pa tawh akibangin ZAM zum pi pa’n i dah khawm hi.

Ngeina Van Tuamtuam Ki Leithei: ZAM zumpi ah ih ngeina vantuamtuam ahi Zopuan Design tuamtuam, Zoniik Design tuamtuam, Puanten, Puandum, Zodial (Silk), Puanlaisan, Zokhi, Tanghciin, Khephiau, Zolukhu, Zothungkuah, Zodial cih te akipan naupang puan tuam tuam te deihzahzah ki leithei hi.

RHB Insurance kilei thei Lai :ZAM zumpi ah nisim zumhon hunsung khempeuh in RHB Insurance kilei theihi. Hih Health Insurance pen adeih khem peuhin kilei theilo a, UN Card neite bekin lei theihi cih mangngilh kei ni. Insuranc -e leina dingin UN card copy, omna inn address cihte kisam hamtang hi. UN card a nei zongin kum (60) val sate in kilei theilo ding hi. Nu leh Pa in Insurance card neih khitciang a suak pan naupang te pen Insurance kibawlsak thei nawnlo a, a Nu leh a Pa I card renew ciangin kigawm thei pan hi.

Hih Insurance card pen zato lupna bek ah kizang thei a, clini -c paina, zato appointment paina te ah kizang thei lo hi. Tua ban ah lungtangnatna nei te leh Cancer nei te a card a bawl zawh ni 120 khit ciang kizang thei pan ding hi.

GALHIAM PHATNA LABU KINGAH KIK TA: GALHIAM Phatna labu khat ciang RM30 tawh ZAM zum ah kingah kik ta hi. Tampi omlo ahihmanin a deihte in nong pai baih kei leh ki ngah nawnlo kha ding hi.

ZOMI HIP HOP KHUI THAK: Zomi Hip Hop khui thak “DUALLO ZOMI” khui zong ZAM zum ah kingah thei hi.

Na UN Vai Nakan Nuam hiam? :Na UN vai lunghimawhin kannop dotnop khat peuhpeuh nanei hiam? UN Department tuamtuam ah laigelhsak nopna neih leh ZAM Member te a ding mangenlo in ZAM zum pan lai kigelh sak theiden hi.

ZAM member I cihpen ZAM Card bawl ngei cihbek hi lo in UN card neih khit hang a renew/hingsak den te pen member hiden cihna hi. Refugee na kicih sam hang UN Card naneih naikei leh UN ten kami hongci tuanlo hi. Tua a hih manin Zomi nahih leh ZAM card bawl in. Amau panpih na kisapnai kei leh huh zaw phot in.

ZAM ZUM AH THU NGETNA HONG NEIH SAK
Siloam Evangelical Church, Yuzana garden city Yangon ah Pasian nasem Evan. Langh Za Kap-Khuabem khua, in Zomi te a it a vei na tawh Malaysia hong zin sungin ZAM zum ah hong hawhin thapiakna leh thungetsakna hong nei ahihman in kilungdam mahmah hi. Toap’n siapa nuntakna hong zang semsem tahen.

• RHB INSURANCE CARD HONG TUNG THAK
• 1. Dim Sian Niang 6. Niangh Ban Hoih
• 2. Thang Sian Langh 7. Zen Gin Piang
• 3. Pum Mang 8. Luan Vung
• 4. Suan En Lian 9. Ning Muan Cing
• 5. Nuu 10. Langh Khan Tung

Kimat kihen na tuahkhak leh: ZAM member te kimat kihenna tuahkhak uh leh Sia Tuangpu: 016 254 4093, Sia Go Mang: 018 202 1216.

• UN ZUM AH VAI DAWP THEIH NI TE
• RST kidawp theih ni :Thursday leh Friday
• Cidamna tawh kisai dawptheih ni :Monday, Tuesday, Thursday

• ZATO LAM BUAIPIH TENG
• 1. Pau Suan Mung(Tuitum) HKL
• 2. Sian Khaw Cing(Tuitum) HKL
• 3. Kap Sian Hoih Kim(Haupi) Glen eagles Hospital
• 4. Do Lam(Tuilang) HKL

ZAM MEMBER NASEP OM

• Factory-Aksa sat ding/Aksa deliver ding
• Mi-5 kideih. Nasep hun-8am-5pm OT omlai
• Offday- every Sunday. Khasum-Rm-1000 -OT zong omhi.
• Omna pia- An aksak pia Buhsih ei leh ei
• Amun -Puchung

• Kilang door glass bawlna ah Mi :2 ki nawhdeih
• Khasum-Rm1100 basic + overtime
• Omna pia An vaklo. Amun :kajang
• Nasep hun: 9am to 6pm OT -omhi
• Offday-Every Sunday
• Contact : Sia Khuppi 016 3838 014

LUNGDAM KOHNA

• 1. Darkhai Unau-Malaysia -RM30
• ZAM zum leh thupuak ading panpihna hongpia Zomi u leh nau, Khua kipawlna leh biakna pawlpi khempeuh tung ah gen zawhloh lungdamna lianpi ZAM pan kong tangko uhhi.

Note :: PDF tawh na simnop leh
Hih link PDF File tungah namek lecin Download kullo in PDF Version tawh ki simthei pahding hi. PDF File tepen ihtheihsa mahbangin Mobile Phone sangin Desktop PC tawh a etdan lemzaw khading hi.

Newsletter pen PDF tawh akikoih hi a, ki simtheilo ahih keileh hamsatna khatpeuhpeuh aomleh hehpihna tawh ong zasak kik in. Anuai ah Comment Box pan inzong Comment, Feedback, Suggestion na piaksak inmaw…

Malaysia gamsung aom ZAM (Zomi Association of Malaysia) panin Zolai tawh kalsim in Newsletter neiden uhhi. Kuala Lumpur khuapi sung aom Zomi te kikhopna Biakinn Churches tuamtuam leh Zomi te paidiakna ansai Restaurants tuamtuam ah Printed Copy kikoih kawikawi hi. Ahi zongin Kuala Lumpur khuapi tawh aki gamla aom khuate ah ahunlap in ki ngahlo ahih manin, tuate ading khualna leh Internet azang leitung muntuamtuam gamtuamtuam aom Zomi te ading khualna tawh Zomi Daily website tungpan kongsuaksak zelzel uhhi.