Lawhcin nading thukhunkip te

Lawhcin nading thukhunkip te

1. Accidental gap (kamphatna)

Kaamphatleh lawhcing ning na cihleh na lawhcingzokei ding hi. Ka gelkholh dan in hong pianleh lawhcing ding hi ingh ci in. Lawhcin ding gelkholh sa in na neihding hia, kaamphathun na ngak ding hilo hi.

Ki ginkholhna+ lungsimpuakzia man+ hunhoih+ sepkhiatna= kaamphatna. Hibangdanin lawhcinna hong pai ding a hihi.

2. Perfection gap (kicinna)

Na khualzinna lamtawp dong na mukholnuam kha dinghi. Ahizongin nuntakna sungah tuabang kicinna kingahloh hi.

Na paipai phot dinga, na pai kawmkawm mahin na muhnailoh na lampi ding a mu toto ding na hizaw hi. Na muhtheih siatciangin pai ning na cihleh cikmahhun in lawhcinna na ngah kei ding hi.

3. Mistake gap (khialhna)

Sang i kahlai in khialhna a omlo dingin hong kipantah hi. Khialhna i bawlleh dan hong kipia den hi. Hihpen i nuntakna sungah i puasuak hi.

A taktak in: na lawhcinnopleh khialhna na bawlkhak ding lau ngaihsut kei in. Khialhna tam na bawlleh natampi a semzaw na hipah hi. Na tampi semlecin pilna tampi a ngah na hihi.

4. Timing gap (paizia)

Lawhcinna na ngahnopleh sepzia ngeina cihbang omlo hi. A lawhcing mite sepzia ettehpah in. Khat veivei ciangin ngeina sepzia sungah lawhcinna omlo hi. A hunzui in na sepzia ngeina te na laihtohtoh ding thupi hi.

5. Inspiration gap (lawpna)

A lawhcing mite a lawpmahmahte cih hituanlo hi. Ka thangah mahmah ciang, ka lawp mahmah ciang nasep kipan ning na cihleh na lawhcing zokei ding hi.

A lawhcing dingte in a nasepna sungah lawpna leh thangahna a piangsak uh hizaw hi. Sem masa inla tuaciangin lawpna leh thangahna neihbehbeh sawm zaw in.

6. Expectation gap (lametna)

Na khatpeuhpeuh nasep ciangin na lametbangin hong pianglo tampi om ding hi. A lawhcinglo dingte in ‘ka lametna tawh ki tuak kei lua, sem nawn kei ning’ ci uh hi.

Lametna tawh a ki tuaklo in nate hong pianglua ding hiaa, tuate tungah lungkiatna na neihleh a lawhcinglo ding na hipah hi. Na lametna bangin hong pianloh hangin semzomsuak in. Na lametna bangin a pianna dingin a hanciamding nang mah na hihi.

7. Knowledge gap (pilna)

Midangte lawhcing napi nang na lawhcin theih keileh a kisamkhat om hi. Tuapen pilna a hihi. Sumlepai vai ah, innkuan sungah, makaihna ah, lawmlegual lak ah, nasepna ah pilna na kisam hi.

Thuhilhna munte ah pai inla laibu te zong sim in. Na pilna khanlecin na lawhcinna lampi hong tangzai zawpah limlim ding hi.

8. Assumption gap (upmawhna)

I neulai in ih guhletang leh ih pumpi vante a ma thuthu in hong khang hi. I septheihna hong khangin i pumpi phakcia zong hong khang hi. I liatkhit ciangin tuabangin ki khangnawnlo hi.

Mipawlkhat in lawhcinna zong a hunzui in a ma kiangah a pai ding bangin ummawh mawkmawk uh hi. Lawhcinna ki mawkngahlo a, hanciam ding kisam hi cih phawk tawntung ding a hihi.

9. Comparison gap (ki tehkakna)

Lawhcinlohna khatpeuh i tuahciangin midangte en in i lungneu thei hi. Tuapen a ki khial mahmah ki tehkakna a hihi.

Midangte a mau lampi tungah a pai uh hilel a, nang zong na maban a om na hihi. Nangsang a pilzaw, a hauzaw, a melhoihzaw, a lawhcingzaw te tawh ki tehkak in ki lungneusak kei in. Tuate bangin na pian nading hanciam zaw in.

10. Mindset gap (lungsimpuakzia)

Dotna thupi na neihleh hong ki dawnna zong thupi ding hi. Mi pawlkhat in ‘hih lampi tungah ka hun bangtan bei ding hiam?’ ci uh hi. Ngaklahna leh phunna kam a hihi.

A lawhcing ding te’n ‘hih lampi tawh bantan a gamla tungzo ding ka hihiam?’ ci pah uh hi. Mikim sungah launa leh ki uplohna a ommah hia, a lawhcinglo te in tua launa ki uk sak hi.

A lawhcingte in tua launa tungah ukna nei uha, umphalo pipi, lau pian sim pipi in semkhia ekhekh uh a hihmanin midangte ngahloh lawhcinna lianpi te ngah uh hi. Siamsin Library