Nazi lungkim nading bangteng semding nahiam? ~ Naalian Zomi

1. Zingsang zingthawh sim’in na zi tungah itna lahna (kiss) piaden in.

2. Na zi taa’ngin, khat veivei Caffe/Niangtui bawl sawm in.

3. Zingthawh ciangin, puanza zial pih zeel in.

4. Nitak lamzong nin luak khawng zong huhzeel in.

5. Naupang( tate) sangpuak/sangkha cih te zong nazi huhzeel in.

6. Na zi nu leh pa( nasungh te) zong hoihtak in hopihsak zeel in.

7. Puan taih khawng zong huh zeel in.

8. Birthday(suahni) letsong pia den in.

9. Innsung kisapna tuamtuam te vaanpih/kinpih tangtang in.

10. Itna/Ngaihna kammal te zanghin, kammal khum tawh hopih den in.

Na pasal lungkim nading bangteng semding nahiam?

1. Nasepna pan ongciah ciangin dawn/vaimuak tangtang in.

2. Asep bangbang thupisimsak in, kinpih hamtang in.

3. Anlim theithei na piakzawh nading han ciam den in.

4. Alungkim nading ngaihsun tawntung in.

5. Ama aading ni thupi te ah, letsong thupi khat teitei pia hamtang in,vangpia den in.

6. Asiamna, apilna, adan tuamtuam te zahtak leh thupit simna lakden in.

7. Amun leh ahun zui in, buaina te kikupna ding hun leh mun te telsiam in.

8. Ama ukna( gentehna: football) suakta tak-in ensak hit hiat in.

9. Nangma pumpi mahmah zong siangthosak tawntung in.

10. Ama nu leh pa ( natek/nama te) kemsiam/khoisiam in.

Na lawmngaih nu/pa lungkim nading bangteng semding nahiam?

1. A thugen,asep thute muang in.

2. Amah thupi’t bawl/kin bawl den in.

3. Theihsiam,telsiam natawh panpih den in.

4. Ama ukna/painop pawite ah zuizeel in.

5. Athu gennop te ngaihsak tawntung in.

6. Nisim in, valentine’s day nibang in itna/ngaihna piaden zoding in kiging denin.

7. Ongngai ingh cih kammal nakampan nagenden zokei phial zongin, ong ngai ingh cih thupen nalungsim ah puaden in.

8.Lungkim/lungnop nading letsong cihte khat veivei pia zeel in.

9.Asepkhat nahuh/seppih ma in, nahuhnopna lungsim theisak/gen masa den in.

10.Ama hoihna atamzaw den dingin ngaihsun in, ahoihlohna te akiam semsem nading huhden in.

Na lawm (friend) lungkim nading bangteng semding nahiam?

1. Ama lungsim ong genkhiatna pen ngaihsak hamtang in.

2. Ama sepnop akin khat pen thapia den in.

3. Haksatna atuahciang huh hamtang in.

4. Asepkhelh khat aom ciang deihsakna tawh hilhin lamman lakden in.

5. Athanem hun laitak in, nusialo in, thapia tawntung in.

6. Na phawk hun in phone hopih / laikhak zeel in.

7. Atawntung in, amah dam maw? damlo? cih kan tawntung in.

8. Lungsim leh Kha tawh kizom tawntung in.

9. Nang nopsakna, ama nopsak na hisak in, naneih bangbang uh itna hang tawh zanghkhawm diamdiam ding cih hanciam tawntung in.

10. Na lungsim puakzia uh kikum zeelding thupi hi.

Mihing nuntakna pen, kicing cihbang om theilo aa,khat veivei ciang haksatna sungpan ih suahtak hun aom mahbang in, haksatna tawh ih kidiahcip hunzong tam mahmah hi. Bangbang hi leh, ih zi, ih pasal, ih lawm te aa ding kamhoihlo/gamtat hoihlo ki gamta,kipau kha thei aa,na lungsim account pen Overdraft ahihloh nading in – kamkhum leh gamtat hoih, kihuh kiuap in, ih lungsim sungah hih atung aa, thu tuamtuam te azuizo leh asemkhiazo dingin, laisim mimal khempeuh Topa’n thupha ongpia ta hen. Naalian Zomi (Denmark)