Incubation Period cih banghiam? ~ Dr. Singpi

Incubation Period cih banghiam? ~ Dr. Singpi

Incubation period a cih ciangin Natna lungno hong lut ni pan kipan tua natna ii liim leh vang(signs and symptoms:Covid-19 bang hi leh cisa, bukkhuh, thauzaw, nak hak) a kilah hun kici hi.

Natna lungno khat hong lut ciangin tua ni mah in tua natna ii liim le vang teng hong piang pah hilo hi. I cidamna, i thahatna tung tawnin khat le khat kibanglo in lungno hang aa i ngah cisa, buk khuh cih te a kilat hun kibang hilo hi. Natna sa dapphahsa(Sikhang, Sikhum, ..etc) a nei te-in buaipih zaw laaiding hi. Bangbang ahizong hih virus pen ni 14 sung peuhmah in kilang hamtang hi.

Tua hangin Lockdown a kibawl ciangin atawmpen ni 14 sung kibawl hi. Pawl khat gam ten kha 1 bang bawl hi. Zanni aa Kawlpi le Tedim kikaal ah lampi a khak ciangin a lut ding te Termometer(Cisa tehna) KHAT bek tawh teh mawk hi. Natna hong piang taktak leh zato khat in ventilator(Huihdiikna) khat bek a nei himai hi. Kawlgam ah ventilator aneilo zato zong tampi om hi. Tua hangin ki patau mahmah hi.

Cina Pa pen “dam ta hi” cih pen teng 1000 vei na share hangin Lockdown pen hong kikhiam tuanlo ding hi. Ni 14 mah kingak dinghi. A kibuaipih pen ama tung pan mi bangzah kilawh aa, tua a lawh te in tua natna nang zo maw? Nang zolo cih hi.

Pasian in i thungetna hong dawng leh tua Virus in Malaria, Dengue fever tawh a kinaam taak aa, zatui ut bang aa a baak ziahziah te aading hong sukkhak zawhloh ding mah a ki gulhgulh hi.

Tua ahihman in Ni 14 sung natna hong kilak kei leh kawlgam mite in natna dalzawh nading immunity(Sisung ah natna dalna) om hi cih kipulaak ngam pan ding hi. Tua masiah upmawh te tawh buai kei phot ni!!! Dr. Singpi