Naupangno khat inndawl 20 pan kiasuk, anuaidawl ii sikzawn pomkha bilbel in nailang khitciang ki honkhia

Naupangno khat inndawl 20 pan kiasuk, anuaidawl ii sikzawn pomkha bilbel in nailang khitciang ki honkhia

China gamsung aom innsang mahmah inndawl 20 na panin naupangno kum 5 bekbek aphapan khat kiasuk in, anuai inndawn ii a taangban sikzawn “railing” pomkha, mankha bilbel hi. Tua Railing sikzawn pen lentetasa in nailang sungbang aomkhit ciangin ki honkhiathei in asihding kipelh in suaktathei cih SCMP pan kiza hi.

Tua naupangno ii innkuanpih te genkhiatna ah naupangno pen amahguak innsung ah a ihmu cihi. A khanlawh ciangin innsung ah kuamah amuhloh ciangin innmai Balcony ah dakkhiading in apaileh anuai ah akiasuk hiding kici hi.

Dazhou Evening News te genkhiatna ah hih thupiang pen Sichuan Province, Dazhou City sung aom Building innsangpi khatah nung Wednesday ni in thupiang ci uhhi.

Naupangno pen amahguak innsung ah a ihmu, athawh ciangin kuamah amuhloh ciangin innmailam Balcony ah adakkhia hihtuak hi. Inndawl 20 panin adakkhia pen kiasuk in, anuai inndawl 19 na aom Balcony Railing lenkha citciat bilbel hi. Bangci bangin kiasuk a, anuai ah Railing mankha cihpen amu, atheizong ki omtuanlo hi.

Video: A 5-year-old boy in southwest China was pulled to safety after dangling for nearly half an hour from the railings of a 19th-floor flat, which he had somehow managed to grab onto as he fell from the floor above. The little boy was spotted by neighbours clinging to the balcony grille at about 6am on Wednesday after they heard him calling for help in the city of Dazhou, in Sichuan province.

Tua inndawl 19 na aom Railing alet tentankawm in tua naupangpen kapin awng ahih manin, avengte’n mukha bilbel uh a, tuaciangin Police te kizasak hi.

Tuaciangin Police Offier mi 7 leh aveng apaam aom tengin delhpah ngeingai uhhi. Police te’n inndawl 19 na innkong kalkhia in, asungah lutsuk uh a, tuapanin innpualam ah akikhai lingleng naupangno pen honkhiathei bilbel uhhi. Tua naupangno pen nailang sungbang amatha guaktawh innpualam ah alencip bikbek kici hi.

More: Malaysia, Puchong ah naupangno khat inndawl 14 pan kiasuk in silo bilbel

Naupangno tepen Pasian in kem cihding inlah hih Chinese tepen anungta Pasian abiazong tamkhollo, Buddhist tamzawmawk uh ahih manin, bangbang hileh naupangno pen akemkhat omkhinkhian leh kilawm hi. Alimlim in naupangngek anei nulepa te’n naupang khatguak innah nutsiatkhak hetlohding thupi mahmahding hi. Athei nailo te hilhsawn, hawmsawn ciatni. Sawltak #zomidaily