Ka lunggulh pawlpi sung kilamzia ~ Langh Khan Mung

Ka lunggulh pawlpi sung kilamzia ~ Langh Khan Mung

Pawlpi sungah tanpuak tuamtuam a nei dingin anuai-a bangin kikoih hi.
1. Kumcin kikhoppi – Annual meeting,
2. Thuvaihawmpite – Church Council
3. Upate kikhop – Board of Deacons/EC
4. Upabulte – Office bearer

Officebearer-te pen anuai-a bang hiding hi.

• 1. Church Pastor – Pawlpikem Siapa/Nu
• 2. President – Thuvanpi
• 3. Vice President – Thuvanpihuh
• 4. Secretary – Thusapi
• 5. Assistant Secretary – Thusapihuh
• 6. Treasurer – Sumkempi
• 7. Assistant Treasurer Sumkempihuh

Hih OB-te in Upate/EC meeting khat le khat kikal sungah a kisap bangin thuvaihawm dinga, nasepnate Upate/EC ah pulakin, amau septheihloh (Thukhun in a ciangtan) thute adingin phalna ngen ding hi. A kiphal leh sep ding hi-a, a kiphal kei leh khawlpah ding hi. Sepzom teitei ding hilo hi.

Upate/EC ding pen Upate, hunbit Pasian nasemte leh hiangtuamtuam panin Thuvanpite hiding hi. Upabulte kilomkhatin adingkhawm zongin hong puak uh thute, a kisap leh anuaiphelzo ding kisam hi. Tua hikei leh Upabulte in Upate/EC-te tungah a thunei hong suak ding hi. Upate/EC pen amin bek hong hiding hi.

Gentehna-in Upabulte 7 pha ahih manin Upate/EC pen atawm penin 15 aphak hamtang ding kisam hi. Upate/EC te in Thuvaihawmpite kikhop khat le khat kikalah a kisam bangin nasem ding hi. Thuvaihawmpite ah nasepnate pulak dinga, phalna/khensatsak ding kisamte ngen ding hi.Upate/EC kikhop pen khasim hileh hoih ding hi.

Thuvaihawmpite-Church Council

Thuvaihawmpite pen Upate-EC te banah hiangtuamtuamte panin leh Khawk le Veng panin palaite kihel ding hi. Upate/EC thukhensatte a kisapleh a lumletzo ding kisam hi. Tua ahih manin atawm penin 31 aphakloh phamawh hi.

Thuvaihawmpite in kumcin kikhop khat leh khat kikalah a kisam bangin nasem ding, nasepnate kumcin kikhopah pulakin, khensatsak ding kisam thute ngen ding hi. Thuvaihawmpite kikhop pen kumkhat sungin 4 vei( khathum ciangin khatvei) hidinga, a 4veina pen Kumcin kikhop hipah ding hi.

Kumcin Kikhop- Vaihawmtheihna asang pen hi. Thuvaihawmpite banah thuvaihawmpite’ khensatnate a kisap leh a lumletzo ding kisam hi. Tua ahih manin atawm penin 65 aphakloh phamawh hi.

Langh Khan Mung