“Cidam Peuh Leh” ka phuahna thu ~ Lengtong Pauno

“Cidam Peuh Leh” ka phuahna thu ~ Lengtong Pauno

Tedim, Sakollam pan, kanu in anawi ateeplai keimah naupuak puanza tawh hongpua a, kum 10.val aki nusiacipsa Tuithang, Gakuang veeng ka innvuah hong ciahpih hi.

Zintun’ anhuanpak theih nading danbeelneu 2, sikbeelneu 1, niangbeelneu 1… cihbang khawngbek aki nusia hi a, neekding antang omlo, zanpuan cihte omlo hi.

Tedim, Sakollam ah, niangtuisai + ansai

kahihmanun keipen,niangtuiduh mohduh bawngnawiduh, buhsihduh saduh ciden kapden kahihmanin kanu alungkham mahmah hi.

Anki ngawl zolo ahihmanin kanu in, tanau meltheihte’ kiangah, “Kumkikteh lo hong kho nu’ngin hong lohkik nu’ng” ci in gataam seng1. palaak hi. Palaak cihpen azah3, (seng1. pen seng3) tawh lohkik cihna hi.

Tua apalaak gataam te pen, but(huan) in kuangzawn khatah siaa in ahawngtol in thambeel khatah theidam teh tawh bilh leuleu a, nekdingdang omlo ahihmanin, thuukman’nailo nipman’nailo tua gataamciip pen bepitang tawh huanmin in, buhsihduh mohduh saduh ci a akap baba pa ki nesak hi.

Luphunciangin khuadam taleh vot taleh, puanza omlo ahihmanin, naupuak puanza amongkhat phahsakin among langkhat silhsaka, khuadam salai ahihmanin anu in thaangkhau ippi silhthuahsakhi. Anu in, ata a itna tawh gumthuak’ hi.

LIVE: A Tamzaan Lungtang: Kum 50 cin Album (1962 – 2012)

https://www.youtube.com/watch?v=h6xEqFaFn9k

Hibangtengtawh anu in akhan’liatsak pa pen, akhuatheih (kum 9/10 aphak) hunciang a, anu’ genkikna la a aphuak ahi hi. Alasungah, vaimimciim zong khamzolo, gataamciip bekmah petpet ing acih hangin, ataktak ah akhamzolo himawklo in, vaimimciim a om vetlo, vaimim cih limlimh a om aa omlo, aneih a aneilo uh ahi hi.

Anu in thaangkhau ippi silhsak a phalbi ado takpi zong ahi hi. Ahi zongin, mi tampi saktheih san’theih deihtheih ding ngiima phuaka asa hile kilawm bek dom ngawlin ahi takpi ahi hi.

Ka lungdam, Munkhai’pa